بلوچستان دے مختلف شہراں اچ موسلا دھار مینھ وسنڑ پاروں نظام زندگی مفلوج،چمن اچ گاڈی برساتی نالے اچ ویہہ گی ہک بندہ جاں بحق

اسلام آباد 24جنوری (اے پی پی)کوئٹہ سمیت بلوچستان دے مختلف شہراں اچ موسلا مینھ پاروں نظام زندگی مفلوج کرڈتا، چمن اچ گاڈی برساتی نالے اچ ویہہ گی جیں پاروں ہک بندہ جاں بحق تھی گیا تے ترائے زخمی تھی گے۔ نجی ٹی وی چینل دے مطابق کوئٹہ تے بلوچستان دے بئے شہراں ژوب ،قلات ، چمن ،نوشکی اتے چاغی اچ کھمنڑ نال مینھ وسیا تے پہاڑاں تے برف باری دا سلسلہ جاری ہے جیں نال سردی دی شدت اچ ودھارے دے بعد لوکاں دی اوکھ اچ کئی گنا ودھارا تھی گیا ہے ۔ برساتی نالے اچ طغیانی پاروں کئی نشیبی علاقے اچ پانڑیں آگیا تے چمن چ برساتی نالے اچ گاڈی ڈھہہ گی ہک بندہ جاں بحق تھی گیا تے ترائے زخمی تھی گے ۔صوبائی حکومت شہریاں کوں غیرضروری سفر نہ کرنڑ دی ہدایت کیتی ہے ۔محکمہ موسمیات دے مطابق مینھ تے برف باری دا سلسلہ آندے 24گھنٹے تئیں جاری رہنڑ دا امکا ن ہے ۔

مضمون کا ماخذ : لوٹیریا سانتا کیٹرینا

متعلقہ مضامین