پاکستان تے ازبکستان وچال تجارتی حجم ھک ارب ڈالر تئیں گھن آوݨ گھٹ مدتی ہدف اے، نگراں وزیراعظم انوار الحق کاکڑ دا ای سی او دے سربراہی اجلاس تے ”ازبکستان 24” کوں انٹرویو

اسلام آباد۔10نومبر(اے پی پی) نگراں وزیراعظم انوار الحق کاکڑ پاکستان اتے ازبکستان وچال مختلف شعبیں اچ تعاون تے رابطے ودھاوݨ دے عزم دا اظہار کریندے ہوئیں آکھیے جو ݙوہیں ملکاں وچال تجارتی حجم ھک ارب ڈالر تئیں گھن آوݨ گھٹ مدتی ہدف اے، ازبک صدر ازبکستان، افغانستان اتے پاکستان وچال ریل رابطے اچ گھاٹی دلچسپی رکھیندن ، ݙوہیں ملکاں دے عوام دا شاندار مستقبل ݙیکھدا پیاں ، ساݙے تاریخی تعلقات ہن، پاکستان اتےازبکستان وچال براہ راست ریل، فضائی اتے سڑکاں دے ذریعے رابطے نال ݙوہیں ملکاں کوں نیڑے گھن آوݨ تے تعلقات ودھاوݨ دا موقع ملسی ۔ اے ڳالھ انہاں اقتصادی تعاون تنظیم (ای سی او) دے سربراہی اجلاس دے موقع تے ازبک سرکاری ٹی وی ”ازبکستان 24” کوں انٹرویو ݙیندے ہوئیں آکھی ۔ وزیراعظم آکھیے اساں ازبکستان کوں خطے دے حوالے نال اہم ملک سمجھدوں خاص طور تے اساکوں ازبکستان دے صدر مرزیوف دی قیادت اچ معاشی اتے سٹرٹیجک رابطیں دے سلسلے اچ نویں مراعات اتے اقدامات نظر آندن جیڑھے جو تجارت کیتے نویں رستے کھولݨ اچ معاون ہوسن تے ایں کوں اساں پاکستان کیتے ٻہوں حوصلہ افزاء سمجھدوں ، ازبک صدر واضح وژن نال مستقل مزاج وی ہن، نیویارک، بیجنگ سودھے ٻیاں جہیں تے انہاں نال ملاقات تھئی او اپݨے وژن کوں ٹھوس منصوبیں اچ ڈھالݨ چاہندن ۔ انہاں ایں حوالے نال آپݨے نائب وزیراعظم کوں فوکل پرسن مقرر کیتے، اساں آپݨے وزیر تجارت کوں ذمہ واری ݙتی اے جو ازبک فوکل پرسن نال باقاعدگی نال ملاقاتاں کریسن ، او ݙوہیں ملکاں وچال تعلقات نویں جہت ݙیوݨ کیتے تصورات اتے منصوبیں دی نشاندہی کریسن ۔ انہاں آکھیے ݙوہیں ملکاں کوں کئی شعبیں اچ ھک ݙوجھے دی لوڑھ اے ، انہاں ورکنگ گروپس دے ذریعے انہاں شعبیں تے توجہ ݙتی ویسی ، فارماسیوٹیکل سودھے مختلف شعبیں اچ پاکستان دی پیداوار زیادہ اے، ازبکستان اتے خطے دے ٻئے ملک انہاں صنعتاں دی وݙی منڈی ہن ، ازبکستان کوں ݙوجھے خطے کیتے برآمدی راہداری دے طور تے استعمال کیتا ونڄ سڳدے۔ انہاں آکھیے اساں ݙوہیں ملکاں مختلف شعبیں توجہ کررکھی اے، ساݙی وزارت تجارت اتے ازبکستان دے متعلقہ حکام تفصیلات دا جائزہ گھندے پئن تے موقع ڳولݨ تے توجہ ݙیندے پیوں ، میکوں پورا یقین اے جو اے تفصیل ݙوہیں ملکاں دے سانجھے مفاد اچ ہوسی ، ݙوہیں ملکاں وچال تجارتی حجم ھک ارب ڈالر تئیں گھن ونڄں گھٹ مدتی ہدف اے، اینکوں مزید ودھایا ونڄ سڳدے ۔ انہاں آکھیے ازبکستان، افغانستان اتے پاکستان وچال ریل رابطیں اچ ازبک صدر گھاٹی دلچسپی رکھیندن ، انہاں دے خطے اتے خطے توں ٻاہروں سارے فریقاں نال رابطے حوصلہ افزاء ہن ایں تے کم کریندے پیوں جو عالمی بینک توں ایں منصوبے دے قابل تھیوݨ بارے رپورٹ گھنݨ کیتے تعاون اتے ݙوجھے فریقاں دی حمایت کیویں حاصل کرݨی اے ایں دی سفارتی تے سٹرٹیجک مہارت دا پتہ چلدے جو کیویں ساریں کوں رلے ٻلہا تے مناوݨا اے ۔ انہاں آکھیے حضرت امام بخاری جیہی شخصیات دے اتھاں مزار ہن، او نہ صرف ازبکستان بلکہ پوری اسلامی دنیا بالخصوص پاکستان اچ ٻہوں اُچا مقام رکھیندن تے احترام کیتا ویندے ، ازبکستان اچ دانشوراں اتے فلاسفراں دی شخصیات دا تاثر ملدے ۔ انہاں آکھیے ݙوہیں ملکاں وچال مزید رابطے نال تعلقات ودھسن ، براہ راست فضائی اتے سڑکاں دے ذریعے رابطے نال ݙوہیں ملکاں کوں نیڑے گھن آوݨ دا موقع ملسی ۔

مضمون کا ماخذ : sorteos da loteria

متعلقہ مضامین