لاہور۔31دسمبر (اے پی پی):وزیراعظم عمران خان آکھیے جو چار سو ارب روپے دی لاگت نال پنجاب دے ہر خاندان کیتے ہیلتھ انشورنس فلاحی ریاست دے پاسے ملکی تاریخ دا ساریں توں وݙا قدم اے، مارچ 2022 تئیں پنجاب دے ہر خاندان کنے صحت کارڈ ہوسی جیں توں او سالانہ 10لکھ روپے تئیں علاج کروا سڳسن ، خیبر پختونخوا اچ ہر خاندان کوں صحت کارڑ ݙتے ݙتا ڳئے جݙاں جو بلوچستان، آزاد کشمیر، گلگت بلتستان اچ وی ہر خاندان تئیں صحت کارڈ پڄ ویسن ، او جمعہ کوں گورنر ہاوس لاہور اچ نیا پاکستان قومی صحت کارڈ دی تقسیم دی تقریب توں خطاب کریندے پئے ہن ، ایں موقع تے گورنرپنجاب چوہدری محمد سرور، وزیراعلی پنجاب سردار عثمان بزدار، وفاقی وزیر اطلاعات ونشریات چوہدری فواد حسین ، وزیر مملکت برائے اطلاعات فرخ حبیب ، وزیر اعظم دے معاون خصوصی ڈاکٹر شہباز گل، صوبائی وزیر صحت ڈاکٹر یاسمین راشد سمیت وفاقی وصوبائی وزرا اتے ارکان قومی وصوبائی اسمبلی وی موجود ہن۔وزیراعظم ایں موقع تے لاہور ڈویژن کیتے قومی صحت کارڈ دی تقسیم دا آغاز کیتے اتے وزیراعلی پنجاب اتے انہاں دی پوری ٹیم کوں انقلابی اقدام تے خراج تحسین پیش کیتے، وزیراعظم آکھیے جو اتنے وݙے فیصلے کوئی نی کر سڳدا ، اڄ تئیں کہیں حکومت اتنا وݙا فیصلہ نی کیتا ، انہاں ݙسایا جو میں پہلی دفعہ برطانیہ دے دورہ دے دوران اتھاں فلاحی ریاست ݙٹھی ، فلاحی ریاست اوہوندی اے جیڑھا جو عام آدمی دی بنیادی ضرورتاں کوں پورا کریندی اے اتے چاہندی اے جو پورا ملک خوشحال ہووے، اساݙے نبی ﷺجݙاں مدینہ دی فلاحی ریاست بݨائی تاں کمزور طبقہ دی ذمہ واری ڳھدی تے پہلی دفعہ ایجھا ماڈل گھن تے آئے لیکن افسوسناک ڳال اے ہے جو اے ماڈل مسلم دنیا اچ نظر نی آندا اتے اے ڈنمارک ، ناروے، سویڈن سودھے یورپی مملکاں اچ نظر آندے ۔ وزیراعظم آکھیے جو اللہ تعالی اساکوں اے رستہ ݙکھائے جیڑھا وی انسان رحمت اللعالمین نبیﷺدے رستے تے چلسی اللہ تعالی اینکوں عظمت ݙیسی ۔
