اسلام آباد۔2جون (اے پی پی):وزیر اعظم شہباز شریف دی ہدایت تے پی ایم اسٹریٹجک ریفارمزتریمت مسافراں دی حفاظت کیتے ریلوے سکیورٹی دے طریقہ کار اچ تبدیلیاں تجویز کیتن ۔ وزیراعظم آفس دے میڈیاونگ توں جاری بیان موجب بہاؤالدین زکریا ایکسپریس اچ دوران سفرتریمت نال زیادتی دے واقع دا نوٹس گھندے ہوئیں وزیراعظم شہباز شریف دی ہدایات تے سلمان صوفی دی سربراہی اچ پی ایم اسٹریٹجک ریفارمز تریمت مسافروں دی حفاظت کیتے ریلوے سکیورٹی دے طریقہ کار اچ تبدیلیاں تجویز کیتن ۔اسٹریٹجک ریفارمز دے تحت اے تجویز کیتا ڳئے جو لیڈی ریلوے پولیس فورس دے اہلکاراں دیاں ٹیماں ریل ڳاݙی اسٹیشناں تے تعینات کیتیاں ویسن ، ایں توں علاوہ تریمت مسافراں دی رہنمائی اتے سیکورٹی کیتے “سفر سہیلی” موبائل ایپ لانچ کیتی ویسی جݙاں جو پرنٹ شدہ ٹکٹاں تے ایپ ڈاؤن لوڈ کرݨ دی ہدایات ہوسن تے نال ہی ٹکٹاں تے ایمرجنسی نمبر وی پرنٹ کیتا ویسی ۔لمبے سفر کیتے ریلوے اسٹیشناں تے ایل آر پی ایف دے عملے (ھک لیڈی سب انسپکٹر اتے 2 لیڈی کانسٹیبل) دیاں ٹیماں بݨائیاں ویسن تے ریل ڳاݙی اچ مسافراں دی تعداد دے مطابق ٹیماں دی تعداد ودھائی ویسی تے ریل گاݙیاں اچ ایمرجنسی SOS بٹن لاتے ویسن ۔ ایں توں علاوہ پاکستان دے سارے ریلوے اسٹیشناں تے پوسٹرز، پمفلٹ، ہینڈ بلز اتے اعلانات دے ذریعے تریمتاں دی حفاظت کیتے باقاعدہ آگاہی پروگرام فوری طور تے منعقد کیتے ویسن ، اینکوں الیکٹرانک طورتے وی نشر کیتا ویسی ، وڈیو سرویلنس سسٹم (VSS) دی تنصیب سارے ریلوے اسٹیشناں تے حساس جہیں تے لاتی ویسی گیسی سی ٹی وی کیمرے ہر ٻوڳھی اچ (کوریڈورز اچ لاتے ویسن ، ایں دے علاوہ ہ فیس ریکگنشن کیمرہ ایپ تیار کیتی ویسی جیڑھی جو چہرے دی شناخت دے ذریعے مجرماں تے انہاں دے سابقہ ریکارڈ کوں ٹریس کر سڳدی اے ۔ایں ڳالھ کوں یقینی بݨایا ویسی جو آؤٹ سورس ٹریناں دا ٹھیکہ ݙیوݨ توں پہلے، تعینات سارے نجی ملازمین دے کردار دی متعلقہ ایجنسیاں/خصوصی شاخ توں کلیئرنس ڳھدی ویسی ۔ پرائیویٹ کمپنیاں کوں پہلے توں ݙتے ڳئے معاہدیں دا جائزہ ڳھدا ویسی تے تعینات سارے نجی ملازمین دے کردار دی جانچ متعلقہ ایجنسیاں/خصوصی یونٹ دے ذریعے کیتی ویسی ۔ نال ہی ساریاں ریل گاݙیاں اچ کنٹرول روم قائم کیتے ویسن۔
.jpg)
