منطقه كښې امن لپاره د پاكستان كردار ډېر مهم دے

اسلام آباد 31 اکتوبر (اے پي پي)د سېنېټ غړو وئېلي دي منطقه كښې امن لپاره د پاكستان كردار ډېر مهم دے ٬افغانستان سره به مونږ له خپله خارجه پالېسي بيا تشكيلول وي٬د ترهه كرۍ په ضد جنګ كښې د پاكستان نه زياتې قربانۍ بل چا نه دي وركړې۔د نهې په ورځ پھ سېنېټ كښې د امريكې د خارجه وزير د پاكستان دورې په اړه په تحريك بحث كښې سناتور سيد مظفر حسېن شاه ووئيل د سوويت يونين ماتېدو نه وروستو په ټوله نړۍ كښې د طاقت توازن بدل شوې٬د افغانستان صورتحال څخه امريكې لپاره ستونزې راپیدا كېږي٬د پاكستان منطقه كښې مهم كردار دے۔مونږ له به خپله خارجه پالېسي ښه كول وي دغسې چې د جديد دور تقاضو له مخې مونږ خپل معاملات وړاندې بوځو۔سناتور اعظم سواتي ووئيل پاكستان له به خپله خارجه پالېسي په سم لوري بوتلل وي٬په منطقه كښې د امن لپاره د پاكستان ډېر مهم كردار دے٬نړۍ هم تسليموي۔سناتور طاهر حسېن مشهدي ووئيل د امريكې خارجه وزير د راتګ په اړه د خارجه وزير خواجه آصف پالېسي بيان د دې خبرې ثبوت دے چې د پاكستان خارجه پالېسي په سم پلو روانه ده۔سناتورې سحر كامران ووئيل امريكا پھ منطقه كښې د چين زيات شوې اثر او رسوخ كمول غواړي او هند د سيمې تهاڼې دار جوړول غواړي٬د امريكې څخه توقع لولو په ځاې خپله لائحه جوړول پكار دي۔ميا عتيق شېخ ووئيل پاكستان په منطقه كښې د امن لپاره تل كردار ادا كړی۔د ترهه ګرۍ په ضد جنګ كښې د پاكستان څخه زياتې قربانۍ چا هم نه دي وركړی۔د امريكې د خارجه وزير د پاكستان دورې په موقع ټولې رياستي ادارې يو موټې وې كومه چې ډېره د خوشحالۍ خبره ده۔امريكا په منطقه كښې د امن لپاره د پاكستان كردار فراموش كولې نه شي۔سناتور تاج حېدر ووئيل د امريكې اولس مشر ټرمپ او د امريكې خارجه وزير بيانونه د امريكې د پالېسۍ تسلسل دے په كوم چې امريكا د پنځوسو شپيتو كلونو څخه عمل كوي۔سناتور عثمان كاكړ ووئيل مونږ له خپله خارجه پالېسي سمول غواړې٬افغانستان كښې امن او استحكام د پاكستان په ګټه دے۔سناتور فرحت الله بابر ووئيل زمونږ د خارجه پالېسۍ نه به كمې لرې كول وي او د امنيت وضعه ښه كولو له به كردار ترسره كول وي۔سناتور سعود مجيد ووئيل حكومت د امريكې وړاندې خپل مضبوط دريځ وړاندې كړی٬پھ تېر وخت كښې واكمنو داسې نه كول٬مونږ افغانستان كښې د امن راوستو لپاره كردار ادا كولو له چمتو يو۔د اقتصادي قوت جوړولو لپاره پاكستان د ايران او نورو ګاونډيانو سره تجارتي اړيكو ته وده وركول غواړي

مضمون کا ماخذ : کلیوپیٹرا

متعلقہ مضامین