بیجنگ۔30 اکتوبر(اے پی پی)وزیراعظم شہباز شریف آکھیے جو میݙے دورہ چین نال ݙو طرفہ تذویرتی تعلقات ٻئے تکڑے تھیسن، کاروبار اتے تجارت ودھسی۔ اے ڳآلھ انہاں چائنا گلوبل ٹیلی ویژن نیٹ ورک (سی جی ٹی این) کوں انٹرویو اچ آکھی جو چین دا یکم نومبر کوں دروہ کریساں، میں خؤش ہاں میں اپݨے ٻھرا ملک چین دا دورہ کرݨ آلے ڄڳ دے پہلے رہنماواں اچوں ہک ہاں، میں مختلف شعباں اچ تعاون ودھاوݨ کیتے چینی صدر شی جن پنگ، وزیراعظم لی کی چیانگ اتے چینی قیادت نال الیساں، سیلاب متاثرین دا ہتھ ونفاوݨ تے چین دے مشکور ہیں۔ انہاں اقتصادی، سماجی و ثقافتی ترقی اچ چین دی تعریف کریندے آکھیا جو پاکستان اقتصادی ترقی کیتے چینی ماڈل تے چلݨ چاہندے، بیلٹ اینڈ روڈ انیشیٹو دے تحت سی پیک توانائی دے شعبے اتے بنیادی ڈھانچے کوں وٹا ݙتے، میں بیلٹ اینڈ روڈ انیشیٹو دے تحت سی پیک دے کردار کوں وسعت ݙیوݨ تے وی الیساں۔