الیکشن ایکٹ 2017 دے مطابق صوبائی اسمبلیاں دے انتخابات دی تاریخ دا فوری اعلان کیتا ونڄے ، صدر ڈاکٹر عارف علوی دا چیف الیکشن کمشنر کوں خط

اسلام آباد۔8فروری (اے پی پی):صدر مملکت ڈاکٹر عارف علوی پنجاب اتے خیبرپختونخوا دی صوبائی اسمبلیاں دے انتخابات دے حوالے نال چیف الیکشن کمشنر کوں خط بھیڄے۔ خط اچ الیکشن کمیشن کوں آکھیا ڳئے جو او الیکشن ایکٹ 2017 دے مطابق صوبائی اسمبلیاں دے انتخابات دی تاریخ دا فوری اعلان کرے۔ صدر مملکت آکھیے پنجاب اتے کے پی دے صوبائی انتخابات دے نال نال مستقبل دے عام انتخابات دے حوالے نال خطرناک سݨی سݨوائیاں تے پروپیگنڈے کوں مکاوݨ کیتے پنجاب اتے خیبرپختونخوا دی صوبائی اسمبلیاں کیتے انتخابی شیڈول جاری کرݨ ضروری اے ۔ ایوان صدر دے پریس ونگ موجب صدر مملکت چیف الیکشن کمشنر کوں لکھیے ڳئے خط اچ پنجاب اتے خیبر پختونخوا دی صوبائی اسمبلیاں دی تحلیل دا حوالہ ݙتا تے آکھیے آئین دے آرٹیکل 224(2) اچ اسمبلی دی تحلیل دے بعد 90 ݙینھاں اچ انتخابات دے انعقاد تے زور ݙتا ڳئے ۔ انہاں مزید آکھیے آئین دے پارٹ VIII موجب انتخابات دا انعقاد الیکشن کمیشن دا بنیادی اتے لازمی فرض اے، خاص طور تے آرٹیکل 218 (3) ای سی پی کوں اے فرض تفویض کیتے جو او شفاف تے آزادانہ انتخابات دے انعقاد کوں یقینی بݨاوے۔ انہاں آکھیے الیکشن کمیشن ہی ہے جیڑھا انتخابات دے حوالے نال اپݨے فرائض ادا کرݨ اچ ناکام رہݨ دی صورت اچ ملک دے آئین دی خلاف ورزی دا ذمہ وار اتے جوابدہ ٹھہرایا ویسی۔ صدر آئین دے آرٹیکل 42 اتے تھرڈ شیڈول دا حوالہ ݙیندے ہوئیں زور ݙتے جو سربراہ مملکت ہووݨ دی حیثیت نال انہاں’’آئین دے تحفظ اتے دفاع‘‘ دا حلف چاتے ۔ انہاں چیف الیکشن کمشنر اتے الیکشن کمیشن دے ممبران کوں آئین دے آرٹیکل 214 اتے تھرڈ شیڈول دے تحت انہاں دے حلف دے مطابق بنیادی ذمہ واری بارے یاد ݙیوائے جیں اچ آکھیا ڳئے جو’’میں اپݨی ذمہ واریاں پوری ایمانداری نال اسلامی جمہوریہ پاکستان دے آئین دے مطابق ادا کریساں ‘‘۔ آئین اتے الیکشنز ایکٹ 2017 دی خلاف ورزی دے سنگین نتائج توں بچݨ کیتے ݙوہیں تحلیل شدہ اسمبلیاں دے انتخابی شیڈول دا وختی اعلان کیتا ونڄے ۔

مضمون کا ماخذ : bolão lotofácil

متعلقہ مضامین