ڈویلپمنٹ پراجیکٹس دی مانیٹرنگ کیتے وزراء کوں ذمہ داریاں مل ڳن

اسلام آباد۔24دسمبر(اے پی پی) پنجاب اچ زیر تکمیل منصوبیاں دی مانیٹرنگ کیتے وزراء اتے افسراں کوں ذمہ داریاں ݙے ݙتیاں ڳن۔ نگران وزیراعلیٰ پنجاب محسن نقوی دی زیر صدارت اہم اجلاس تھئے جیندے اچ صوبائی وزراء عامر میر، بلال افضل، منصور قادر، ابراہیم حسن مراد، صوبائی مشیر وہاب ریاض، آئی جی اتے ٻئے افسران شریک ہن۔ محسن نقوی زیر تکمیل ڈویلپمنٹ پراجیکٹس دی مانیٹرنگ کیتے وزرا اتے افسراں کوں ذمہ داریاں ݙتن۔ صوبائی وزیر عامر میرجنرل ہسپتال، ابراہیم حسن مراد میو ہسپتال اتے وہاب ریاض ڈینٹل ہسپتال دے پراجیکٹس دی مانیٹرنگ کریسن، ڈاکٹر جاوید اکرم چلڈرن ہسپتال، سیکرٹری ٹورازم گنگارام ہسپتال اتے کمشنر لاہور پی آئی سی دے پراجیکٹس دی نگرانی کریسن۔ صوبائی وزیر ڈاکٹر جمال ناصر کوں راولپنڈی دے پراجیکٹس اتے صوبائی وزیر بلال افضل کوں لاہور رنگ روڈ ایس ایل تھری، گوجرانوالہ ایکسپریس وے پراجیکٹس دی مانیٹرنگ ݙتی ڳئی اے۔ ایڈیشنل چیف سیکرٹری جنوبی پنجاب بہاولپور اتے کمشنر ملتان متعلقہ ڈویژن دے پراجیکٹس دی مانیٹرنگ کریسن۔ وزیراعلیٰ پنجاب صوبائی وزراء کوں روزانہ ݙو واری پراجیکٹس دا وزٹ کرݨ اتے روزانہ رپورٹ واٹس ایپ کرݨ دا آکھیے۔

مضمون کا ماخذ : loterias da caixa

متعلقہ مضامین