پاڪستان ۽ بيلاروس پاران گڏيل اقصادي ڪميشن جو ايندڙ اجلاس جلد کان جلد منعقد ڪرڻ تي اتفاق

Prime Minister Muhammad Shehbaz Sharif meets President of Belarus, H.E Aleksandr Lukashenko on the sidelines of the 6th CICA Summit in Astana, Kazakhstan. 13th October, 2022.

آستانه – 14 – آڪٽوبر (اي پي پي) پاڪستان ۽ بيلاروس گڏيل اقصادي ڪميشن جو ايندڙ اجلاس جلد کان جلد منعقد ڪرڻ ۽ ان جي پيروي کي يقيني بڻائڻ تي اتفاق ڪيو جنهن سان ٻطرفي اقتصادي رابطن کي سگهه ملندي. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف آستانه ۾ سيڪا جي ڇهين سربراهي اجلاس جي موقعي تي بيلاروس جي صدر اليگزينڊر لوڪاشينڪو سان ملاقات ڪئي. ملاقات دوران ٻنهي اڳواڻن جاري ٻطرفي تعاون جو جائزو ورتو ۽ گڏيل دلچسپي جي علائقائي ۽ عالمي معاملن تي خيالن جي ڏي وٺ ڪئي. صدر لوڪا شينڪو چيو ته بيلاروس ماحولياتي تبديلي جي نتيجي ۾ ايندڙ ٻوڏ پاڪستان ۾ غيرمعمولي تباهي مچائي ۽ بيلاروس متاثرين جي بحالي جي لاءِ هر ممڪن تعاون فراهم ڪندو. وزيراعظم پاڪستان ۽ بيلاروس جي وچ ۾ تعاون جي سمورن ممڪن شعبن ۾ رابطن کي سگهه ڏئي دوستاڻن لاڳاپن کي وڌيڪ مضبوط بنائڻ جي خواهش جو اظهار ڪيو. ٻنهي اڳواڻن پاڪستان بيلاروس گڏيل اقتصادي ڪميشن جو ايندڙ اجلاس جلد کان جلد منعقد ڪرڻ ۽ ان جي پيروي کي يقيني بڻائڻ تي اتفاق ڪيو جنهن سان ٻطرفي اقتصادي رابطن کي سگهه ملندي. علائقائي معاملن تي خيالن جي ڏي وٺ ڪندي ٻنهي اڳواڻن امن، استحڪام ۽ تعاون کي فروغ ڏيڻ جي گڏيل خواهش کي ورجايو. ٻنهي اڳواڻن ان کان اڳ 15 سيپٽمبر 2022ع تي ثمرقند ۾ شنگهائي تعاون تنظيم جي سربراهي اجلاس جي موقعي تي ملاقات ڪئي هئي. هڪ مهيني ۾ ٻه ڀيرا قيادت جي سطح تي ڳالهه ٻولهه مختلف شعبن ۾ گڏيل فائديمند تعاون کي وڌائڻ جي لاءِ ٻنهي طرفن جي گهري خواهش جي عڪاسي ڪري ٿي.

مضمون کا ماخذ : ماہی گیری کا جنون

متعلقہ مضامین