اسلام آباد ۔ 21 مارچ (اے پی پی) وزیراعظم شاهد خاقان عباسی په اقدارو اډانه زده كړو ته وده وركول د وخت ضرورت ګرځولو سره وئيلي دې د تعليم او اخلاقياتو ترمينځه توازن ضروري دے۔ مونږ په سياسي او جمهوري اقدارو عملدرآمد كولو سره په اخلاقي بنيادونو پرېكړې كوؤ چې په نتيجه كښې ئې كاميابي ترلاسه كېږي۔ د دې خيالاتو څرګندونه ده د شورؤ په ورځ وزیراعظم آفس كښې د يو نجي سكول تر سېوري لاندې په “په اقدارو اډانه زده كړو” په حقله كنفرنس 2018ﺀ ته خطاب كولو۔ كنفرنس ته د اطلاعات او خپرونو دوهمې وزيرې او نورو هم خطاب وكړو۔ وزیراعظم ووئيل د ا ډول كنفرنس كول يو مهم ګام دے۔ وزيراعظم ووئيل د تعليم او اخلاقياتو ترمينځه توازن ضروري دے۔ په اخلاقياتو او اقدارو اډانه پرېكړې پائيدارې وي۔ په اقدار اډانه زده كړې د وخت ضرورت دے۔ مونږ زياتره پرېكړې په اخلاقو او اقدارو كوؤ چې ورسره د حكومت مورال پورته كېږي۔ وزيراعظم ووئيل په اقدارو اډانه پرېكړه كول يو ګرانه پرېكړه وي ولې بياهم كه تاسو كومه ګرانه پرېكړه كوۍ او هغه په اقدارو اډانه وي نو هغه پائيدارې وي۔ ده ووئيل استاذان او مور پلار بايد طالبعلمانو كښې د معاشرتي اقدارو ودې له خپل كردار ترسره كړي۔ په دې مهال د سټی سکول نېټ ورک او وزیراعظم آفس ترمينځه د وزیراعظم یوتھ کنېکټ پروګرام تر سېوري لاند د تعليم ودې له يو قرارداد هم لاس ليك كړې شو۔ د وزيراعظم آفس لخوا وفاقي سېكتر اکبر حسېن درانی او د سټی سکول لخوا چیف آپرېټنګ آفیسر شهزاد خان قرارداد لاس ليك كړو۔ په دې مهال وزیراعظم شاھد خاقان عباسی هم موجود وو۔ دې څخه وړاندې د سټي سكول نېټ ورک چیئرپرسن ډاکټر فرزانه فېروزدستورې ته خپل خطاب كښې ووئيل ماشوم ته غوره تعليم وركول او ده سره ښه سلوك كول په غوره اقدارو كښې شامل دي۔ دې ووئيل د سټي سكول اولني كېمپس جوړولو كښې د وزيراعظم د والد محترم مهم كردار دے۔ د كنفرنس په مهال د وزیراعظم د ميډيا چارو خاص مرستيال مصدق ملک، د اېچ اي سي پنجاب ډي جي شاهد سروها، د سپرټ آف میتھ کېنېډا استازي کم لنګ جن او نوموړي خبريال حامد میر پېنل مباحثې كښې برخه واخسته او تعليمي څانګه كښې ئې د اقدارو ودې او كوچنيانو ته د معياري تعليم وركولو حاجت په ډاګه كړو۔ په دې حقله ئې خپلې ذاتي تجرې او مشاهدې هم وړاندې كړې
