نوي ټاكل شوي وزيراعظم عمران خان د خپلې چوكۍ سوګند پورته كړو اولس مشر ممنون حسېن عمران خان څخه سوګند واخست۔ وظيفه ترسره كوؤنكې لنډ مهاله وزيراعظم ناصر الملك هم دستوره كښې موجود وو۔
APP 01-18
ISLAMABAD: August 18 - President Mamnoon Hussain administering the oath of office to Imran Ahmed Khan Niazi as Prime Minister during the oath taking ceremony at Aiwan-E-Sadr. APP
اسلام آباد ۔ 18 اګست (اے پی پی) نوي ټاكل شوي وزيراعظم عمران خان د خپلې چوكۍ سوګند پورته كړو۔ اولس مشر ممنون حسېن د خالي په ورځ ايوان صدر كښې په يوه ساده او درنه دستوره كښې عمران خان څخه د ده د منصب سوګند واخست۔ د جمعې په ورځ قومي اسمبلۍ عمران خان د پاكستان 22م وزيراعظم ټاكلې وو۔ نوې ټاكلې شوې وزيراعظم عمران خان شېرواني اچولې وه۔ د عمران خان كفايت شعارۍ كښې خوښي لرلو ته پام كولو سره د مېلمنو مېلمستيا چايو او بسكټ سره وكړې شوه۔ وظيفه ترسره كوؤنكې لنډ مهاله وزيراعظم ناصر الملك هم دستوره كښې موجود وو۔ دستوره كښې اولنۍ مېرمنې بشری بي بي ٬ د آزاد كشميراولس مشر مسعود خان ٬ د درې واړو وسله والو ځواكونو مشرانو٬ د سېنېټ لنډ مهاله چيئرمېن سليم مانډوي والا ٬ د قومي اسمبلۍ سپيكر اسد قېصر٬ د خېبر پختونخوا اعلی وزير محمود خان ٬ د پنجاب اسمبلۍ سپيكر چوهدري پروېز الهی ٬ د وظيفه ترسره كوؤنكې وفاقي او صوبائي كابينې غړو٬ د سندھ نومولي شوي ګورنر عمران اسماعيل ٬ د پنجاب نومولي شوي ګورنر چوهدري سرور ٬ د خېبر پختونخوا نومولي شوي ګورنر شاه فرمان ٬ د تحريك انصاف مشر لارښود شاه محمود قرېشي ٬ پروېز خټك ٬ فواد چوهدري ٬ ډاكټر عارف علوي ٬ علي زېدي ٬ اسد عمر ٬ شېخ رشيد ٬ یاسمین راشد، جھانګیر ترین، فردوس عاشق اعوان، عاطف خان، زر تاج ګل، شیریں مزاری، سناتور فیصل جاوید، ابرار الحق، شفقت محمود، علی امین ګنډا پور ، د ایم کیو اېم کنوینئر خالد مقبول صدیقی ، د ګرېنډ ډیموکریټک الائنس مشر غوث بخش مھر، پخوانۍ سپيكرې او د جي ډي اے لارښودې ډاکټر فھمیده مرزا، د جمھوری وطن ګوند مشر شاه زېن بګټی، د عوامي مسلم ليګ مشر شېخ رشيد ٬ غېر ملكي سفيرانو٬ پارلماني غړو ٬ د 1992 نړيوال كپ ګټونكې پاكستان كركټ لوبډلې پخوانو لوبغاړو جاوېد میانداد، مشتاق احمد ، وقار یونس، عاقب جاوید، وسیم اکرم، مدثر نذر، انضمام الحق ٬ د هند د كركټ پخواني لوبغاړي نجوت سنګھ سدھو او د ژوند بېلو څانګو سره تعلق لرونكو مهمو شخصياتو ګډون وكړو۔هندي لوبغاړې نجوت سنګ سدھو د سوګند پورته كولو دستوره كښې ګډون كولو له په خصوصي توګه رابللې شوې كوم چې دستوره كښې د توجه خاص مركز پاتې شو۔ دې څخه وړاندې صدارتي ګارډز بګل غږولو سره د اولس مشر او نوي ټاكلي شوي وزيراعظم راتګ اعلان كړو۔ ډائس ته رارسېدو سره دوئي ته هال كښې ناستو مېلمنو ودرېدو سره تود هركلې ووې۔ په دې مهال قامي سرود وغږولې شو۔ د سوګند پورته كولو دستورې پېل د قرآن كريم تلاوت سره وكړې شو۔ دې څخه وروستو اولس مشر اردو ژبه كښې نوي ټاكلي شوي وزيراعظم څخه سوګند واخست۔ دا خبره دې ياده وي چې عمران خان تېره ورځ قومي اسمبلۍ كښې د قائد ايوان منصب لپاره 176 او دده په مقابله كښې د مسلم ليګ نون صدر شهباز شريف 96 ووټونه ترلاسه كړي وو۔ په دې مهال عمران خان مېلمنو سره جوړ تازه هم وكړل عمران خان د څلورو خويندو يكي يو ورور دے۔ دې په 25 نومبر 1952ء كښې ميانوالي كښې زېږېدلې۔ د ماشوموالي څخه ئې د كركټ شوق وو۔ د خپل ژوند په اولنۍ برخه كښې ئې پاكستان او برطانيه كښې كركټ وكړو۔ د برطانيې آکسفورډ پوهنتون څخه ئې فلسفه ٬ سياست او اقتصادياتو كښې زده كړې ترلاسه كړې۔ عمران خان په خپل منشور كښې د مدينې رياست په ډول د منصفانه ټولنې جوړولو وعده كړې۔ په سوشل ميډيا د عمران خان پلويانو د عمران كاميابي يو خوب ګرځولې چا چې د ګوند بنياد كال 1996 كښې اېښودلې وو۔ پی ټی آئی د 1997ء ټول ټاكنو كښې د مسلم لیګ (ن) د 87 لکهھ 51 زره 793 (45.9 فیصد) په مقابله كښې3 لكهه 14 زره 820 (1.7 فیصد) ووټونه ترلاسه كړې وو۔ د كال 2018ء ټول ټاكنو كښې ئې د مسلم لیګ (ن) د يو كروړ 29 لکهھ 34 زره 589 ووټونو په مقابله كښې يو کروړ 69 لکهھ 3 زره 702 ووټونه ترلاسه كړل۔ پاکستان تحریک انصاف ته قومی اسمبلۍ كښې 158 او مسلم ليګ (ن) ته 82چوكۍ ترلاسه شوې۔
