د اسلامي جمهوریه پاکستان وزیرا عظم عمران خان قام ته د وېنا متن
APP57-19
ISLAMABAD: August 19 – People listening the Prime Minister Imran Khan address to nation on television at local shop. APP photo by Irshad Sheikh
اسلام آباد 19 اګست (اے پي پي) د اسلامي جمهوریه پاکستان وزیرا عظم عمران خان قام ته خپله وړومبۍ وېنا كښې ووئيل زه نن د ټولو نه وړاندې د خپلو ټولو كاركنانو مننه كول غواړم چا چې 22 كاله وړاندې په دې تحريك او جهاد كښې ما سره ګدون كړې ٶ٬ دوه ډول سياست روان دے چې پكښې يو خپل كيريئر جوړولو لپاره دي او بل زما د رول ماډول قائداعظم محمد علی جناح چا چې د يو مشن لپاره سياست كولو ٬ زمونږ خوږ نبی حضرت محمد ﷺ جې مدینې ته تشریف رياست يوړو نو د يو مشن په توګه ئې د نړۍ په تاريخ كښې انقلاب راوستې ٶ ٬ ما كله هم دا سياست يو كيريئر او پروفېشن نه ٶ ګڼلې٬ زه د نن نه 22 كاله وړاندې دې هېواد ته سياست لپاره راغلم ٬ زما مقصد دا ٶ چې مونږ خپل هېواد ھغه هېواد جوړ كړو كوم چې جوړېدل پكار وو ٬ یعنې د علامہ محمد اقبال چې كوم خوب ٶ يو اسلامي فلاحي رياست د كوم چې مونږ نړۍ له مثال وركول غوښتل چې رښتينې اسلام څه دے٬ د مدينې په رياست كښې ھعه څه څيزونه وٶ چې نړۍ كښې ئې دومره لوي انقلاب راوستلو او ھغه قام وړاندې هېڅ هم نه ؤ ٬ لږې قبيلې وې خو بيا دوي د نړۍ امامت وكړو٬ زه نن ھغه ملګري يادوم په خاص توګه ھغه دوه چا چې ما سره دا مزل پېل كړې ٶ په ھغوي كښې يو احسن رشید كوم چې د نن نه 22 كاله وړاندې ما سره په دې هلو ځلو كښې شريك شوې ٶ خو د كېنسر جنګ كښې ماتي سره مخ كېدو په سوب ھغوي نن زمونږ سره نشته او دوېمه سلوني بخاري څوك چې په دې مشن كښې مونږ سره شريكه وه او نن مونږ سره موجود نه ده څوك چې زه په خاص توګه يادوم٬ زه ھغه ټولو كاركنانو ته سلام كوم ٬ په چا پسې چې به په كورنو كښې خنداګانې كېدلې٬ خلقو به په ھغوي پورې خندل چا ته د يوې ټانګې پارټۍ سره ګرځې ٬ نو زه نن د ھغه ټولو كاركنانانو د زړه د كومي مننه كوم ځكه چې زه د دغې ټولو خلقو نه غېر دلته نه شوم رارسېدلې٬ زه د ټولو نه وړاندې قام ته دا وئيل غواړم چې نن مونږ كوم ځائ يو٬ كومې مسئلې او ستونزدې رامخې ته دي او مونږ كومو ستونزو سره مخ يو او بيا به زه د دې ھر څه ان شآء الله د هوارولو لار تاسوته ښائيم ٬ د پاکستان په تاریخ كښې كله هم داسې معاشي حالات نه ٶ كوم چې نن دے ٬ نن په پاكستان قرض 22 زره اربه روپۍ دے او د نن نه لس كاله وړاندې د پاكستان دا قرض 6 زره اربه روپۍ وو٬ يعنې د هېواد د 60 كالو زمونږ قرض 6 زره اربه روپۍ وو كوم چې د كال 2013 نه پس 15 زره اربه روپو ته ورسېدهو او نن دا قرض 28 اربه روپو ته رسېدلې ٬ د هېواد د تاريخ د 60 كالو قرض يو خوا او د تېرو لسو كالو قرض بل خوا ٬ زه به ان شآء الله دا تاسو ته وړاندې ږدم چې دا پېسه چرته لاړه او مونږ دې پېسو سره څه كړې ٬ دوېمه خبره دا ده نن زمونږ ھغه حالات دے چې د قرضونو سود لپاره هم قرض اخلو٬ يعنې قرضونه ختمولو لپاره نه سود وركولو لپاره هم قرض اخلو٬ د پاکستان پیپلز ګوند د تېر حكومت په آخري كال كښې د كال 2 اربه ډالره قرض اخستلې شو ٬ په تېر يو كال كښې مونږ هره مياشت دوه اربه ډالره قرض اخستې او چې كله په كال 2013 كښې د پيپلز ګوند حكومت موده ترسره كړه نو 60 اربه ډالره زمونږ بهرنۍ قرضه وه كومه چې نن 95 اربه ډالره ده او هم دا زمونږ د هېواد اصل مسئله ده چې زمونږ په هېواد قرض دومره ختلي او روپۍ د ټولو نه زيات فشار سره مخ ده ٬ د دې اصل سوب هم دا دے چې زمونږ بهرنۍ قرض دومره په تندۍ سره زياتېږي او نن مونږ هغه ځاې ته رارسېدلې يو چې زمونږ لپاره د ټولو نه لويه مسئله دا ده چې مونږ دا قرضونه څنګه واپس كوٶ٬ زه دې له هم راځم چې دا مسئله څنګه حل كول دي ٬ د ېرېرېدو خبره نه ده زه به تاسو ته د دې حل هم ښائيم خو چې كوم بل څيز زه تاسو ته ښودل غواړم ھغه دا چې يو خوا خو په مونږ دومره قرض ختلې او بل د انسانانو چې كوم حالا ت دے ھغه زه تاسو ته ښودل غواړم
