وفاقی وزیر ریلوے اعظم خان سواتی نال چینی سفیر دی ملاقات، ایم ایل ون پر اجیکٹ وختی شروع کرݨ تے اتفاق

اسلام آباد۔9فروری (اے پی پی):وفاقی وزیر ریلوے اعظم خان سواتی نال چین دے سفیر نونگ رونگ منگل کوں اتھاں ملاقات کیتی ۔ ملاقات اچ ݙوہیں ملکاں تے سی پیک دے حوالے نال امور زیر بحث آئے۔وزیر ریلوے ایم ایل ون منصوبے اچ دلچسپی تے چینی سفیر دا شکریہ ادا کیتا ۔وفاقی وزیر چین دے سفیر دی خد مات دی تعریف کیتی تے پاک چین دوستی کوں مزید استحکام پڄاوݨ کیتے ایم ایل ون پر اجیکٹ کوں وختی شروع کرݨ تے اتفاق کیتے۔چینی سفیر آکھیے جو ایم ایل پاکستان دی تاریخ دا ساریں توں وݙا منصوبہ ہوسی تے ایندے نال پاک چین دوستی کوں مزید استحکام ملسی۔ ایم ایل ون منصوبہ پاکستان ریلوے اتے ملکی معیشت کیتے ٻہوں اہمیت رکھیندے تے چینی شراکت داری نال ایں منصوبہ توں پاکستان اچ ریل دا نقشہ بدل ویسی ،اے منصوبہ سی پیک منصوبے دا حصہ اے ،ایم ایل ون منصوبے تے تقریباً6.8ارب ڈالر خر چہ آسی ، اساں چینی حکومت دے خاص طورتے چین دے صدر دے شکر گزار ہیسے جو انہاں ایں منصوبے کیتے پاکستان دی ممکن مد د کیتی۔ایم ایل ون منصوبے دا کم پشاور توں کراچی تئیں چارے صوبیں اچ ہوسی ایندی تعمیر اچ چینی اتے مقامی لوک کم کریسن ۔ وفاقی وزیر چین دے سفیر کوں سفاری ٹرین دی افتتاحی تقریب اچ وی سݙیے ، ݙوہیں رہنماواں وچال ٻئے امور تے ڳالھ مہاڑ تھئی تے وفاقی وزیر پاک چین دوستی مضبوط بݨاوݨ دیاں کوششاں تے چین دے سفیر دا شکریہ ادا کیتے ۔

مضمون کا ماخذ : پاور بال کی پیشن گوئی

متعلقہ مضامین