آذربائیجان دے وزیر خارجہ دورہ، پاکستان اتے آذربائیجان وچال ݙوپاسہ تعلقات کوں ٻیا مضبوط ٻݨاوݨ اتے آپسی تعاون کوں ودھاوݨ دا عزم کیتا ڳئیا، ترجمان دفتر خارجہ

اسلام آباد۔31مئی (اے پی پی) دفتر خارجہ دی ترجمان ممتاز زہرہ بلوچ آکھیا جو آذربائیجان دے وزیر خارجہ جیہون بیراموف دے دورہ پاکستان فریقین کوں ݙوپاسہ تعلقات دی صورتحال دا جائزہ ڳھنݨ اتے علاقائی اتے عالمی پیشرفت تے ڳالھ مہاڑ کرݨ دا موقع ݙتے۔ جمعے کوں پریس بریفنگ اچ انہاں آکھیا جو آذربائیجان دے وزیر خارجہ دے دورے اچ ݙوہیں فریقاں ݙوپاسہ سٹریٹجک تعلقات کوں ٻیا مضبوط کرݨ اتے تجارت، سرمایہ کاری، توانائی، سلامتی اتے دفاع، تعلیم، کلائمیٹ ایکشن اتےعلاقائی رابطے سودھے آپسی دلچسپی دے سارے شعبیاں اچ تعاون ودھاوݨ دا عزم کیتا۔ انہاں آکھیا جو نائب وزیراعظم اتے وزیر خارجہ سینیٹر محمد اسحاق ڈار اتے آذربائیجان دے وزیر خارجہ بیراموف کثیر الجہتی فورمز تے ݙوپاسہ تعاون اتے غیر قانونی بھارتی مقبوضہ جموں تے کشمیر دی صورتحال سودھے اہم عالمی پیشرفت تے ڳالھ کیتی۔ آذربائیجان دے وزیر خارجہ جیہون بیراموف دورے اچ اسلام آباد اچ قائم مقام صدر یوسف رضا گیلانی اتے وزیر اعظم محمد شہباز شریف نال ملاقات کیتی۔

مضمون کا ماخذ : لاٹری کی قانونی حیثیت

متعلقہ مضامین