وزیراعظم محمد شہباز شریف نال دولت مشترکہ دی سیکرٹری جنرل پیٹریشیا سکاٹ لینڈ دی اڳواݨی اچ 5 رکنی وفد دی ملاقات

اسلام آباد۔1اگست(اے پی پی)وزیراعظم محمد شہباز شریف آکھیے جو نینگراں کوں جدید تعلیم اتے فنی تربیت ݙیوݨ ترجیح اے، کامن ویلتھ آرٹیفیشل انٹیلی جنس کنسورشیم اچ رلݨ نال پاکستان دے نینگراں کوں تربیت، روزگار دے مواقع ملسن اتے او جدید عالمی ایجادات توں فیدہ چا سڳسن۔ اے ڳالھ انہان اسلام آباد اچ دولت مشترکہ دی سیکرٹری جنرل پیٹریشیا سکاٹ لینڈ دی اڳواݨی اچ 5 رکنی وفد نال ملݨ ویلھے الیندے آکھی۔ وزیراعظم سیکرٹری جنرل سکاٹ لینڈ دے پاکستان دے پہلے سرکاری دورے کوں جی بسم اللہ آہدے دولت مشترکہ ولوں پاکستان دے سماجی، اقتصادی و جمہوری اداریاں کیتے کردار دی تعریف کیتی اتے نینگراں کوں بااختیار ٻݨاوݨ سودھا بہتر گورننس اتے موسمیاتی تبدیلی کیتے دولت مشترکہ نال تعاون دی خواہش کیتی۔ انہاں نینگراں کیتے پرائم منسٹر یوتھ پروگرام دے اقدامات، اڄوکے دور دے مطابق ہائی ٹیک عالمی معیشت تئیں پاکستانی نوجواناں دی رسائی اتے ایں شعبے اچ ترقی دے مواقع ودھاوݨ سانڳے کٹھیاں کوششاں تے زور ݙتے۔ سیکرٹری جنرل پیٹریشیا سکاٹ لینڈ پرائم منسٹر یوتھ پروگرام دی تعریف کریندے وزیراعظم دے کردار دی تعریف کیتی۔

سرکاری محکمیاں دی کارکردگی ٻئی چنڳی کرݨ، براہ راست اڳونہی ڄاݨݨ کیتے پیٹریشیا سکاٹ لینڈ کامن ویلتھ دے پرفارمنس مینجمنٹ سسٹم توں فیدہ چاوݨ اتے پاکستان کوں کامن ویلتھ آرٹیفیشل انٹیلی جنس کنسورشیم اچ رلݨ دی پیشکش کیتی جیندا وزیر اعظم خیر مقدم کریندے آکھیے جو ایندے نال پاکستان دی نینگراں دی جدید تربیت، کلاؤڈ کمپیوٹنگ ڄھیاں جدید عالمی ایجادات توں فیدہ چاوݨ اتے پاکستان دی پائیدار اقتصادی ترقی اچ ہتھ ونفاوݨ کتیے اہم قرار ݙتے۔ وزیر اعظم شہباز شریف موسمیاتی تبدیلی نال نمٹݨ خاص طور تے 2022 دے تباہ کن سیلاب دے بعد پاکستان کیتے سیکرٹری جنرل ولوم حمایت تے شکریہ ادا کریندے آکھیے جو پاکستان باکو اچ آئندہ کوپ 29 دے موقع تے پاکستان ڄھیں ملک ڄیڑھے موسمیاتی تبدیلی دے خطریاں نال لڑدے پن، کیتے بین الاقوامی تعاون ودھاوݨ سانڳے کامن ویلتھ نال رل تے کم کرݨ چاہندے۔ وزیرِ اعظم آکھیے جو میں ایں سال سموا اچ دولت مشترکہ دے سربراہان حکومت اجلاس دا تانڳھی ہاں۔ ملاقات اچ فریقین باہمی دلچسپی دے معاملیاں تے اتفاق رائے پیدا کرݨ کیتے کٹھی حکمت عملی ٻݨاوݨ دے اقدامات تے غور کیتے۔ چیئرمین پی ایم یوتھ پروگرام رانا مشہود اتے معاون خصوصی سید طارق فاطمی وی ملاقات اچ موجود ہن۔

مضمون کا ماخذ : دیگر کلیدی الفاظ

متعلقہ مضامین