افغان حکومت آپݨی سرزمین توں ٹی ٹی پی دی کارروائیاں روکے، افغانستان توں پاکستان تے حملے ناقابل قبول اے اساݙے کیتے ریڈلائن اے، وزیراعظم شہباز شریف

APP39-260423 ISLAMABAD: April 26 - Prime Minister Muhammad Shehbaz Sharif chairs a meeting of the heads of coalition parties at PM House.APP/ABB

اسلام آباد۔27دسمبر (اے پی پی) وزیراعظم محمد شہباز شریف افغان حکومت تے زور ݙتے جو او آپݨی سرزمین توں تحریک طالبان پاکستان(ٹی ٹی پی) دی کارروائیاں روکے، ہک پاسہ تعلقات ودھاوݨ دی خواہش کیتی جڈانجو ݙوجھے پاسوں ٹی ٹی پی کوں کھلی چھٹی اتے افغانستان توں پاکستان تے حملے، اے ݙوعملی قبول کائنی، اساں پاکستان دی سالمیت دے تقاضیاں دا دفاع کریسوں۔ جمعے کوں وفاقی کابینہ دے اجلاس توں خطاب کریندیں ہوئیں وزیراعظم آکھیا جو افغانستان اساݙا ہمسایہ اتے برادر ملک اے جئیں نال اساݙی ہزاراں کلومیٹر لمبی سرحد اے۔ اوندے نال تعلقات بہتر ٻݨاوݨ، معاشی تعاون، تجارت ودھاوݨ اتے تعاون ودھاوݨ اساݙی خواہش اے پر بدقسمتی نال ٹی ٹی پی اڄ وی اتھاں آپریٹ کریندی پئی اے اتے پاکستان اچ بے گناہ لوکاں کوں شہید کریندی پئی اے۔ اے پالیسی نی چل سڳدی۔ انہاں کوں کہیں صورت پاکستان دی بے گناہ عوام کوں شہید کرݨ دی موکل نی ہووݨی چاہیدی۔ اے اساݙے کیتے ریڈ لائن اے۔ اگر ٹی ٹی پی اڄاں وی افغان سرزمین توں آپریٹ کریسی تاں اے اساݙے کیتے کہیں صورت قبول کائنی۔ انہاں افغان حکومت تے زور ݙتا جو او ایں بارے حکمت عملی ٻݨاوے۔ ایں موقع تے وزیراعظم محمد شہباز شریف سابق وزیراعظم بے نظیر بھٹو کوں انہاں دی 17ویں برسی دے موقع تے خراج عقیدت پیش کریندیں ہوئیں آکھیا جو او ہک جرات مند اتے دلیر رہنما اتے اسلامی دنیا دی پہلی تریمت وزیراعظم ہن۔ سیاست اچ مفاہمت تے یقین رکھیندی ہن۔ انہاں نواز شریف نال میثاق جمہوریت کیتا جئیں دی سیاسی جماعتاں پذیرائی کیتی۔ ملک اتے جمہوریت کیتے انہاں دے خدمات اتے قربانیاں یاد رکھی ویسن۔ انہاں محترمہ بے نظیر بھٹو شہید دے درجات دی بلندی کیتے دعا کیتی اتے صدرمملکت آصف علی زرداری اتے بے نظیربھٹو شہید دے صاحبزادے بلاول بھٹو زرداری اتے انہاں دے ٻھیݨٰن نال ہمدردی کیتی۔ وزیراعظم وفاقی کابینہ کوں پارا چناراچ این ڈی ایم اے دے ذریعے ہیلی کاپٹرزبھجوا تے دوائیں دا ݙسیا۔ انہاں ݙسیا جو ہک ٹن دوائیں پارا چنار ٻھجوئی ڳئن اتے اتھاؤں زخمیاں کوں ہیلی کاپٹر تے بہتر علاج کیتے اسلام آباد پڄایا ڳئے۔ وزیراعظم دہشت گردی دے خلاف صف آرا افواج پاکستان اتے قانون نافذ کرݨ آلے اداریاں دی قربانیاں کوں خراج تحسین پیش کریندیں ہوئیں آکھیا جو کڄھ ݙینھ پہلے ہک واقعے اچ ایف سی دے 16 جوان شہید تھین جڈانجو شمالی وزیرستان اچ تھیوݨ آلے ہک معرکہ اچ کئی خوارج کوں جنہم واصل کیتا ڳئے۔ ایں معرکے اچ ہک میجر اتے جوان وی شہید تھیے۔ وزیراعظم کابینہ کوں آذربائیجان دےصدر نال آپݨی گزریل ݙینھ ٹیلی فون تے تھیوݨ آلی ڳالھ مہاڑ دا وی ݙسیا۔ وزیراعظم آکھیا جو پاکستان اچ آئی سی سی دے ایونٹس تھیندے پئن جو کرکٹ شائقین کیتے خوشخبری اے۔ ایں کیتے تیاریاں پوری ہن۔ وزیراعظم کابینہ کوں اے ڈی آربارے پیشرفت بارے ݙسیا اتے نائب وزیراعظم ، وزیر خزانہ اتےسٹیٹ بنک دے گورنر دے کردار تعریف کیتی۔ وزیراعظم ݙسیا جو قومی خزانے کوں ایں کوشش نال ستر ارب روپے ملسن اتے آندے ترائے سالیں اچ 140 ارب روپے دے لھگ بھگ رقم خزانے اچ امسی۔

مضمون کا ماخذ : لاٹری کے لائیو نتائج

متعلقہ مضامین