اسلام آباد – 26 مئي (اي پي پي) صدر ممنون حسين پاڪستان ۽ مالديپ جي وچ ۾ ٻطرفن لاڳاپن تي اطمينان جو اظهار ڪندي مالديپ جي سمورن شعبن ۾ پاڪستان جي مسلسل حمايت جو يقين ڏياريو آهي. هن اها ڳالهه مالديپ جي دفاع ۽ قومي سلامتي واري وزير آدم شريف عمر سان ڳالهه ٻولهه ڪندي ڪئي جنهن ايوان صدر ۾ ساڻس ملاقات ڪئي. پاڪستان ۾ مالديپ جو هاءِ ڪمشنر احمد سليم به ان موقعي تي موجود هو. صدر ممنون حسين چيو ته ٻنهي ملڪن جي وچ ۾ پراڻا دوستاڻا لاڳاپا آهن هن ان امر تي اطمينان جو اظهار ڪيو ته ٻنهي ملڪن سڀني معاملن تي عالمي فورمن تي هڪ ٻئي جي حمايت ڪئي آهي.