وزیراعظم محمد شہباز شریف نال چیف آف آرمی سٹاف جنرل قمر جاوید باجوہ دی الوداعی ملاقات

اسلام آباد۔28نومبر(اے پی پی):وزیراعظم محمد شہباز شریف نال چیف آف آرمی سٹاف جنرل قمر جاوید باجوہ الوداعی ملاقات کیتی۔ وزیراعظم جنرل قمر جاوید باجوہ دی پاک فوج ، ملکی دفاع اتے قومی مفادات کیتے خدمات دی تعریف کیتی ۔ وزیراعظم آفس دے میڈیا ونگ توں جاری بیان موجب ملاقات اچ وزیراعظم جیواکنامکس دی اہمیت دے حوالے نال جنرل قمر جاوید باجوہ دے کردار دی تعریف کیتی ۔ وزیراعظم محمد شہباز شریف آکھیے جو فیٹف دی گرے لسٹ توں پاکستان دا ناں کھڈواوݨ ، کورونا وبا اتے سیلاب سودھے مختلف بحراناں اچ جنرل قمر جاوید باجوہ دی قیادت اچ پاک فوج مثالی خدمات انجام ݙتن ، دہشت گردی دی عفریت کوں مکاوݨ کیتے جنرل قمر جاوید باجوہ دی قیادت اچ پاک فوج وݙی شجاعت و بہادری نال کردار نبھائے ۔ انہاں آکھیے جنرل قمر جاوید باجوہ تاریخ دے ھک اوکھے مرحلے تے پاک فوج دی قیادت کیتی، دفاع پاکستان کوں ناقابل تسخیر بݨاوݨ اچ جنرل قمر جاوید باجوہ کلیدی کردار ادا کیتے۔ انہاں آکھیے جو اوکھی علاقائی صورتحال اچ جنرل قمر جاوید باجوہ دے قائدانہ کردار توں سکیورٹی چیلنجز نال نبݨݨ تے سدھا رستہ ملیے ۔ وزیراعظم آکھیے پاکستان کوں معاشی قوت بݨاوݨ کیتے ساریاں سیاسی قوتاں کوں میثاق معیشت تے دستخط کرتے اجتماعی دانش دا مظاہرہ کرݨا ہوسی۔ وزیراعظم آرمی چیف نال ڳالھ مہاڑ کریندے ہوئیں آکھیے جو تساں دنیا دی بہترین فوج دی قیادت دا باعث فخر اعزاز ملیے ۔ آرمی چیف جنرل قمر جاوید باجوہ قومی امور دی انجام دہی اچ بھرپور تعاون تے وزیراعظم دا شکریہ ادا کیتے۔ وزیراعظم محمد شہباز شریف جنرل قمر جاوید باجوہ دے اعزاز اچ ظہرانہ وی ݙتا ۔ جنرل قمر جاوید باجوہ سرکاری امور دی انجام دہی اچ بھرپور تعاون تے وزیراعظم شہباز شریف دا شکریہ ادا کیتا۔

مضمون کا ماخذ : estatisticas lotomania

متعلقہ مضامین