APP31-29
ISLAMABAD: May 29 - Prime Minister Imran Khan chairing a meeting on Law Reforms. APP
موجودہ انصاف دے نظام اچ پاتے ونجنڑ آلے سقم دور کرنڑ تے عوام دی سوکھے سستے تے وختی انصاف تئیں رسائی کوں یقینی بنڑاونڑ پاکستان تحریک انصاف دے منشور دا بنیادی جزو اے،
وزیراعظم عمران خان دا عوا م کوں انصاف دی سہل اتے وختی فراہمی کیتے قانونی اصلاحات دے حوالے نال جائزہ اجلاس اچ اظہار خیال
اسلام آباد ۔ 29 مئی (اے پی پی) وزیراعظم عمران خان آکھیے جوموجودہ انصاف دے نظام اچ پاتے ونجنڑ آلے سقم دور کرنڑ تے عوام دی سوکھے سستے تے وختی انصاف تئیں رسائی کوں یقینی بنڑاونڑ پاکستان تحریک انصاف دے منشور دا بنیادی جزو اے۔ وزیرِ قانون، مشیر برائے پارلیمانی امور اتے اٹارنی جنرل تے مشتمل تشکیل کیتی گئی کمیٹی عوام دی توقعات دے مطابق قانونی اصلاحات دے عمل کوں اگوں ودھاونڑ کیتے روڈ میپ مرتب کریسی جیں دی روشنی اچ آندے ہفتے مزید فیصلے کیتے ویسن ۔ اے گال انہاں جمعے کوں اتھاں عوام کوں انصاف دی سہل تے وختی فراہمی کیتے کیتیاں ونجنڑ آلی قانونی اصلاحات دے حوالے نال جائزہ اجلاس دی صدارت کریندے ہوئیں آکھی اے ۔اجلاس اچ وزیرِ قانون بیرسٹر فروغ نسیم، وزیرِ خارجہ شاہ محمود قریشی، وزیراعظم دے مشیر برائے پارلیمانی امور ڈاکٹر ظہیر الدین بابر اعوان، اٹارنی جنرل خالد جاوید خان، پارلیمانی سیکرٹری برائے قانون ملائیکہ علی بخاری تے بئے سینئر افسراں شرکت کیتی ۔ وزیرِ قانون بیرسٹر فروغ نسیم موجودہ دورِ حکومت اچ انصاف دے نظام اچ کیتی ونجنڑ آلی اہم اصلاحات مثلاً دیوانی مقدمیں دی وختی تکمیل، انتقال وراثت، تریمتاں کوں وراثتی جائیداد اچ انہاں دا حق ڈیونڑ ، ریاست ولوں کمزور تے نادار طبقے کوں قانونی معاونت دی فراہمی تے کریمنل جسٹس سسٹم اچ کیتی ونجنڑ آلی اصلاحات تے تفصیلی بریفنگ ڈتی ۔ سول پروسیجر اچ اصلاحات دے نتیجے اچ سالہا سال توں التوا دا شکار رہنڑ آلے مقدمیں دی تکمیل کیتے ہک وقت مقرر کیتا گئے ۔ متعلقہ قوانین اچ اصلاحاتی عمل اتے ٹیکنالوجی دے استعمال توں جتھاں نظام اچ بہتری آسی اتھاں سائلین کوں سوکھا تے وختی انصاف مل سگسی ۔ اجلاس اچ وفاقی دارالحکومت اچ جدید فارنزک لیبارٹری دے قیام دا فیصلہ کیتا گئے ۔ وزیراعظم اجلاس نال خطاب کریندے ہوئیں آکھیے جو موجودہ حکومت انصاف دے نظام اچ پاتے ونجنڑ سقم کوں دور کرنڑ تے عوام کوں سوکھا ، سستا تے وختی انصاف تئیں رسائی کوں یقینی بنڑاونڑ پاکستان تحریک انصاف دے منشور دا بنیادی جزو اے ۔ انہاں آکھیے جو انصاف دے موجودہ نظام تے عوام دا اعتماد بہوں حد تئیں متزلزل تھی چکے ، انصاف دے نظام اچ بہتری کیتے عوام دی توقعات موجودہ حکومت نال وابستہ ہن ۔ وزیرِ اعظم آکھیے جو موجودہ حکومت دی اولین ترجیح معاشرے دے کمزور، بے وس تے لاچار طبقات دی آواز بنڑنڑ تے انہاں کوں انصاف ڈیونڑ کوں یقینی بنڑاونڑاں اے ۔ وزیرِ اعظم وزیرِ قانون بیرسٹر فروغ نسیم، مشیر برائے پارلیمانی امور ڈاکٹر بابر اعوان اتے اٹارنی جنرل تے مشتمل کمیٹی تشکیل ڈتی اے اتے کمیٹی کوں ہدایت کیتی اے جو عوام دی توقعات دے مطابق قانون اصلاحات دے عمل کوں اگوں ودھاونڑ کیتے ٹائم لائنز تے مبنی روڈ میپ مرتب کیتا ونجے جیں دی روشنی اچ آندے ہفتے مزید فیصلے کیتے ویسن۔
