اسلام آباد۔17اگست (اے پی پی) دھوکے نال ہتھیائی ڳئی رقم صارف کوں منافع نال واپسی کیتی ونڄے، صدرمملکت ڈاکٹر عارف علوی وفاقی محتسب دے فیصلے دے خلاف صارف دی اپیل منظور کریندیں ہوئیں نیشنل بینک آف پاکستان کوں بینک فراڈ کیس اچ بدانتظامی دا ذمہ وار آکھیے۔ بینک آپݨے کھاتے داراں دی محنت نال کمائی ڳئی رقم دا نگہبان اتے امانت دار اے، بینکنگ قوانین دے مطابق کاروائیاں کوں پورا کرݨ شہریاں دی نی منیجر دی ذمہ واری اے۔ ایوان صدر دے پریس ونگ توں بدھ کوں جاری بیان موجب صدرمملکت وفاقی محتسب دے فیصلے دے خلاف ایبٹ آباد دے رہوݨ آلے عاشق حسین دی اپیل منظور کریندیں ہوئیں آکھیا جو دھوکے نال ہتھیائی ڳئی رقم صارف کوں منافع نال واپسی کیتی ونڄے۔ انہاں آکھیا جو نینشل بینک دی سینئر انتظامیہ بینک برانچ اچ ایماندار بینک حکام لاوݨ اچ ناکام رہی اے۔ تفصیل موجب ہک سادہ اتے ان پڑھ صارف توں برانچ منیجر ݙاہ لکھ روپے دی رقم فراڈ نال ہتھیا ڳھدی ہئی۔ محتسب رقم کیشئر دی بجائے منیجر کوں جمع کراوݨ، رسیداں تے دستخط بارے ضابطہ کار دی خلاف ورزی تے شہری کوں ریلیف نی ݙتا۔ صدرمملکت آکھیا جو بینکنگ قوانین دے مطابق کاروائیاں کوں پورا کرݨ منیجر دی ذمہ واری اے نہ شہریاں دی۔ دھوکے نال ہتھیائی ڳئی رقم صارف کوں منافع نال واپسی کیتی ونڄے۔
