نواز شریف نال 2017 اچ زیادتی کرݨ آلیں کوں انہاں توں معافی منگ تے انہاں کوں ریڈ کارپٹ وچھا تے وطن واپس گھن آوݨا چاہیدے ، وفاقی وزیر میاں جاوید لطیف

اسلام آباد۔14جون (اے پی پی):وفاقی وزیر میاں جاوید لطیف آکھیے نواز شریف نال 2017 اچ زیادتی کرݨ آلیں کوں انہاں توں معافی منگ تے انہاں کوں ریڈ کارپٹ وچھا تے وطن واپس گھن آوݨا چاہیدے کیوں جو نواز شریف عالمی سطح دا معتبر لیڈر اے، اوں دے بغیر ملک نی چل سڳدا ،عالمی مالیاتی اداریں کوں کہیں وی ریاست دے اندرلے معاملات اچ مداخلت نی کرݨی چاہیدی ۔ قومی اسمبلی اچ آندے مالی سال 2023-24 دے بجٹ تے بحث اچ حصہ گھندے ہوئیں وفاقی وزیر میاں جاوید لطیف آکھیے 75 سالاں دے بعد پہلا موقع اے جو ایں تے تنقید کرݨ آلا وی کوئی کائنی کیوں جو او ڄاݨدن جو چار سالاں اچ انہاں کجھ نی چھوڑیا ۔ سرکاری ملازمین دیاں تنخواہواں کوں ودھایا ڳئے مگر اے سارا کجھ ناکافی اے کیوں جو پوری قوم مشکلات دا شکار اے۔انہاں آکھیے 9 مئی دے واقعہ ملک دی بنیاداں کوں ہلا تے رکھ ݙتا ، کہیں وی سیاسی قوت کݙاہیں دفاعی تنصیبات کوں نشانہ نی بݨایا ۔ انہاں آکھیے جے 9 مئی دے واقعہ تے ثبوت تھیوݨ دے باوجود حقیقت سامݨے نہ گھن آئی ڳئی تاں دہشت گرداں تے سہولت کاراں کوں چھوڑ ݙتا ڳیا تاں ملک نی چل سڳدا ، پاکستان صرف تے صرف آئین تے قانون دی حکمرانی نال چل سڳدے ۔

مضمون کا ماخذ : números quina hoje

متعلقہ مضامین