نیشنل ایمرجنسی آپریشن سینٹر دے قیام نال مستقبل اچ قدرتی آفتاں نال نبݨݨ سانڳے مربوط کوششاں ،قدرتی آفت دے خطرے اتے ضیان کوں گھٹاوݨ اچ مدد ملسی ، نگران وزیراعظم انوار الحق کاکڑ
APP52-051023
ISLAMABAD: October 05 - Caretaker Prime Minister Anwaar-ul-Haq Kakar addressing at the inaugural ceremony of National Emergencies operation Center established by NDMA.APP/ TZD/ABB
اسلام آباد۔5اکتوبر(اے پی پی) نگران وزیر اعظم انوار الحق کاکڑ نیشنل ایمرجنسی آپریشن سینٹر(این ای او سی )دے قیام دی تعریف کریندے ہوئیں آکھیے جو ایندے نال نہ صرف مستقبل اچ قدرتی آفتاں نال نبݨݨ سانڳے مربوط کوششاں بلکہ قدرتی آفتاں دے خطرے اتے ضیان کوں گھٹ کرݨ اچ مدد ملسی ،موسمیاتی تبدیلی ھک حقیقی چیلنج اے ،جݙاں تئیں اساں ایں نال نبݨݨ سانڳے ایجھے پکے اقدامات نہ کریسوں ساݙیاں آندیاں نسلاں پریشاں رہسن ، دنیا کوں اڳوں ودھݨ تے پاکستان جیہے ترقی پذیر ملکاں کوں موسمیاتی تبدیلی دے منفی اثرات نال نبݨݨ سانڳے مدد کرݨ دی لوڑھ اے ۔ وزیراعظم آفس دے میڈیا ونگ توں جاری بیان موجب نگراں وزیر اعظم انوار الحق کاکڑ این ڈی ایم اے ہیڈ کوارٹرز اچ نویں بݨائے ڳئے جدید ترین ’’نیشنل ایمرجنسی آپریشن سینٹر‘‘ (این ای او سی ) دا افتتاح کیتا۔ایں موقع تے وزیر اعظم این ای او سی بݨݨ دی تعریف کریندے ہوئیں آکھیے جوایندے نال مستقبل اچ قدرتی آفتاں نال نبݨݨ تے ضیان گھٹاوݨ اچ مدد ملسی ۔ قدرتی آفتاں توں محفوظ رہݨ آلے بنیادی ڈھانچے تے پالیسی فریم ورک دی اہمیت تے زور ݙیندے ہوئیں وزیراعظم آکھیے عالمی سطح تے کاربن دے اخراج اچ ساریں توں گھٹ حصہ دار ہووݨ دے باوجود پاکستان موسمیاتی تبدیلیاں توں متاثر تھیوݨ آلے سرفہرست ملکاں اچوں ھک اے ، موسمیاتی تبدیلی ھک حقیقی چیلنج اے ،جݙاں تئیں ایندے نال نبݨݨ سانڳے ایجھے پکے اقدامات نہ کریسوں ایندے توں آندیاں ساݙیاں نسلاں پریشان تھیسن ۔ وزیر اعظم 2022 دی تباہ کن چھل اچ سارے ریاستی اداریں خصوصاً این ڈی ایم اے دیاں کوششاں دی وی تعریف کیتی۔ملک دی تقریباً ھک تہائی آبادی 2022 اچ سیلاب توں متاثر تھئی ہئی تے 30 ارب ڈالر دے معاشی ضیان دا تخمینہ لاتا ڳیا ہئی ۔ دنیا کوں اڳوں ودھݨ دی لوڑھ اے تے پاکستان جیہے ترقی پذیر ملکاں کوں موسمیاتی تبدیلی دے منفی اثرات نال نبݨݨ سانڳے مدد دی لوڑھ اے ۔ وزیر اعظم کوویڈ۔19 اتے 2022 دی چھل اچ این سی او سی دے کردار دی وی تعریف کیتی۔بریفنگ اچ وزیراعظم کوں ݙسایا ڳئے جو این ای او سی موسمیاتی تبدیلی، قدرتی آفتاں نال نبݨݨ تے قومی ہنگامی صورتحال کیتے پیش گوئی کرݨ آلے ماڈلنگ متعلق ساری تکنیکی معلومات دے مرکز دے طور تے کم کریسی ۔بریفنگ اچ ݙسایا ڳئے جو ھک ایجھے پلیٹ فارم دی لوڑھ محسوس کیتی ڳئی جیڑھی قدرتی آفتاں دی نگرانی ، ، اعلیٰ ٹیکنالوجی نال چلݨ آلی صلاحیت دی قومی اہلیت دی تیاری سانگے کم کرے، اے کمزور علاقیں دی لوڑھ دا اندازہ لاسڳدے تے حقیقی قومی مشترکہ فعالیت دی صورتحال دے تناظر اچ ہر ویلھے تیار مجموعی قومی منظرنامہ دے ذریعے عالمی شراکت داراں دی طرفوں پہلے توں مربوط تعاون دے خلا ء دا تعین کرسڳدے ۔چیئرمین این ڈی ایم اے لیفٹیننٹ جنرل انعام حیدر ملک وزیراعظم کیتے بریفنگ سیشن دا انعقاد کیتا جیں اچ مہمان خصوصی دے نال نال سفیراں، اقوام متحدہ دی تنظیماں دے کنٹری ہیڈز، عالمی این جی اوز، پاکستان دے ممتاز تعلیمی اداریں دے دانشورتے ماہرین شرکت کیتی۔ ایں وژن دی بنیادی طور تے وزیراعظم آفس تے قدرتی آفات نال نبݨݨ دے سارے متعلقہ قومی فریقاں منظوری ݙتی ہئی ۔ تقریب اچ قومی تے بین الاقوامی معززین شرکت کیتی جنہاں اعلیٰ نتیجے تے مبنی کثیر الجہتی افادیت دے این ای او سی دے گھٹ ویلھے اچ قیام اتے تکھے ترقی تے حکومت پاکستان دی تعریف کیتی جیں اچ سٹرٹیجک سرمایہ کاری دے تحفظ اتے سانجھی ترقی دا وعدہ کیتا ڳئے۔
