ارواښاد چوهدري رحمت علي د پاكستان محسن دے٬هغه د پاكستان لپاره د قدر وړ خذمات ترسره كړي٬د هغه سوانح عمري لېكل يو ښه هڅه ده

اسلام آباد 27 ستمبر (اے پی پی) د مذهبي چارو وفاقي وزير سردار محمد يوسف وئيلي دي ارواښاد چوهدري رحمت علي د پاكستان محسن دے٬هغه د پاكستان لپاره د قدر وړ خذمات ترسره كړي٬د هغه د سوانح عمري لېكل يو ښه هڅه ده٬مونږ د چوهدري رحمت علي مړې پاكستان ته راوړلو او په اسلام آباد كښې خارور ته سپارلو لپاره چمتو يو٬ چا چې د پاكستان خبره كړی هغه لپاره دوه ګزه زمكه نه وركول به زياتې وي۔د شورو په ورځ د تحريك پاكستان لويې لارښود ارواښاد چوهدري رحمت علي سوانح عمري مخ كتنې دستورې ته خپل خطاب كښې ده ووئيل دا كتاب يوه لويه كارنامه ده٬د چوهدري رحمت علي په اړه دستوره كښې ګډون كول زما لپاره د خوشحالۍ خبره ده۔ده ووئيل زمونږ نوې نسل د تاريخ څخه خبر نه دے ځكه چې نظام بدل شوې٬مونږ خپل تاريخ هېر كړی٬مونږ تر ټولو اول مسلمانان او د دې نه پس پاكستانيان يو۔ ده ووئېل بايد مونږ د اسلام تاريخ ولولو٬مونږ چوهدري رحمت علي پشان شخصيات تل ژوندي وساتو ځكه چې د هغوي په قام حق دے۔ده ووئيل كله چې چوهدري رحمت علي د پاكستان تحريك سروع كړو نو ډېر سخت حالات وو او هغه د پاكستان لپاره لويې خذمات ترسره كړي٬ وفاقې وزير ووئېل 70 كاله تېرېدو نه پس بايد مونږ دغه حقيقت ومنو۔د قائداعظم او علامه اقبال پشان چوهدري رحمت علي له د هغه د تحريك حق ولې نه دې وركړی شوې٬مونږ د خپل نوې نسل څخه هيله لرو چې هغوي به چوهدري رحمت علي له دا حق وركړي۔ده ووئيل د چوهدري رحمت علي مړې نن هم په غېر ديار كښې د امانت په توګه ښښ دے ٬ ده ووئېل دا څه وجوهات دي چې مونږ په دې معامله غلي يو۔ده ووئيل چوهدري نذير تبسم د چوهدري رحمت علي مړې پاكستان ته راوړولو او په اسلام آباد كښې د هغه اديرې لپاره د ځاې وركولو په غوښتنه وزيراعظم ته يو خط ليكلے وو۔وزيراعظم په اسلام آباد كښې د چوهدري رحمت علي اديرې لپاره د ځاې وركولو غوښتنه منظور كړې۔۔ده ووئيل مونږ د هغه مړې پاكستان ته راوړولو له هڅې كوو او دا كتاب نن د ډېرو پوښتنو ځواب دے

مضمون کا ماخذ : números quina hoje

متعلقہ مضامین