پاک ایران سرحد دے نیڑے دشتک دے علاقے اچ فائرنگ دے تبادلے اچ ترائے سیکیورٹی اہلکار تے پولنگ عملے دا ہک اہلکار شہید ، 10 سکیورٹی اہلکاراں سمیت 14 بندے زخمی، آئی ایس پی آر

راولپنڈی ۔ 25 جولائی (اے پی پی) پاک ایران سرحد دے نیڑے دشتک دے علاقے اچ فائرنگ دے تبادلے اچ ترائے سکیورٹی اہلکار اتے پولنگ عملے دا ہک اہلکار شہید جڈاں جو 10 سیکورٹی اہلکاراں سمیت 14 بندے زخمی تھن ۔ پاک فوج دے شعبہ تعلقات عامہ (آئی ایس پی آر) دے مطابق بلوچستان دے حلقہ این اے 271 دے پولنگ سٹاف کوں ہک فوجی حفاظتی پارٹی گزریل رات بلیدہ توں گھن تے ویندی پئی ہئی ۔ پولنگ دے عمل کوں متاثر کرنڑ سانگے زمان ماﺅنٹین رینج دے نیڑے فوجی قافلے تے حملہ کیتا گیا ۔ سکیورٹی فورسز اے کوشش کو ں ناکام بنڑا ڈتا تے پولنگ عملے کوں مقررہ جاہ تے پجایا۔ فائرنگ دے تبادلے نال سیکورٹی فورسز دے ترائے اہلکار ڈیرہ بگٹی نال تعلق رکھنڑ آلے 21 سالہ سپاہی عمران، چکوال دے 25 سالہ سپاہی جہانزیب اتے ہری پورتوں 23 سالہ سپاہی اکمل جڈاں جو پولنگ عملے دے سکول ٹیچر صفی اللہ شہید تھی گن ۔حملے اچ 10 سیکورٹی اہلکاراں اتے چار شہریاں سمیت 14 بندے زخمی تھن۔ 10 شدید زخمیاں کوں کراچی ہسپتال منتقل کر ڈتا گے جڈاں جو چار معمولی زخمیاں کوں ڈسٹرکٹ ہیڈ کوارٹرز ہسپتال منتقل کرڈتا گے۔ مذکورہ پولنگ سٹیشن تے پولنگ دا عمل معمول دے مطابق پورا کیتا گے۔

مضمون کا ماخذ : لاٹری کی موبائل ایپ

متعلقہ مضامین