نویں سپورٹس پالیسی نال نینگراں دیاں صلاحیتاں ابھر تے سامݨے آسن، سپورٹس باڈیز اچ مافیاز مکا ݙتن، طلبہ کوں ملکی تاریخ اچ سب توں ودھ سکالر شپ ݙتن، وزیراعظم عمران خان

APP49-061221 ISLAMABAD: December 06 - Prime Minister Imran Khan addressing at the launching ceremony of Kamyab Jawan Sports Drive. APP

اسلام آباد۔6دسمبر(اے پی پی)وزیراعظم عمران خان آکھیے جو اڄوکی حکومت نویں سپورٹس پالیسی متعارف کرائی اے جیندے نال نینگراں دیاں صلاحیتاں ابھر تے سامݨے آسن، سپورٹس باڈیز اچ مافیاز مکا ݙتن، طلبہ کوں ملکی تاریخ اچ سب توں ودھ سکالر شپ ݙتن، ہݨ تئیں 63 لکھ مستحق نوجواناں کوں 47 ارب روپے دے وظائف ݙتن۔ اے ڳالھ انہاں جناح سٹیڈیم اسلام آباد اچ ملکی تاریخ دے سب توں وݙے کھیݙاں دے مقابلے ” کامیاب جوان سپورٹس ڈرائیو” دی افتتاحی تقریب نال خطاب اچ آکھی۔ تقریب اچ وفاقی وزیر بین الصوبائی رابطہ ڈاکٹر فہمیدہ مرزا، وزیرتعلیم و پیشہ وارانہ تربیت شفقت محمود، وفاقی وزیر حماد اظہر، وزیراعظم دے معاون خصوصی برائے امور نوجوانان عثمان ڈار وی موجود ہن۔ وزیراعظم کامیاب جوان سپورٹس ڈرائیور تے عثمان ڈار کوں مبارک ݙیندے آکھیا جو نینگر کھیݙاں نال مقابلہ کرݨ سکھ سڳدن، انہاں کوں جیتݨ اتے ہرݨ دا پتا لڳسی، ہار سکھیسی جو اساں دلبرداشتہ نئیں ہووݨا اتے ݙھاوݨ دا کھڑ تے مقابلہ کرݨے۔ سپورٹس مین اوکھے ویلھے توں نئیں ݙردا، غلطیاں دا جائزہ ڳھندے، نینگر کھیݙاں اچ حصہ ڳھنن۔ کھیݙ ساݙی صحت کیتے وی ضروری ہین جیڑھے اللہ تعالیٰ دی وݙی نعمت اے، ساݙی حکومت نوجوانواں کوں کھیݙاں دے بھر پور مواقع ݙیوݨ کیتے کھیݙ دے میدان ٻݨائن، ہر یونین کونسل اچ کھیݙاں دے گرائونڈز ہووݨے چاہیدن۔ وزیراعظم آکھیے جو حکومت نوجواناں کوں تعلیم دے بہتر مواقع کیتے وی اقدامات کریندی پئی اے۔ کوشش اے جو پاکستان بین الاقوامی سطح تے سپورٹس اچ حصہ ڳھنے جیندے کیتے ٹیلنٹ ہنٹ پروگرام شروع کیتے، ایں سانڳے ودھ توں ودج کھیݙ دے میدان ٻݨدے پین، سنٹر آف ایکسی لینس ٻݨا تے ٹیلنٹ پروموٹ کریسوں، حکومت سپورٹس باڈیز دی اصلاح کریندی پئی اے اتے مافیاز آلے پراݨے سسٹم کوں مکا ݙتے۔ ایں توں پہلے وزیراعظم ݙیوا ٻال تے سپورٹس ڈرائیو دا افتتاح کیتے۔ کامیاب جوان سپورٹس ڈرائیو دے تحت ٹیلنٹ ہنٹ اچ 6 ہزار اتھلیٹس حصہ ڳھندے پین اتے 4 ارب روپے دے 4 نویں منصؤبے وی شروع کیتے ڳین۔

مضمون کا ماخذ : jogos de loteria Nordeste

متعلقہ مضامین