صحت دے نظام دی بنیاداں کوں پکا کرݨ اساݙی ذمہ واری اے، اقوام عالم کوں وبائیں توں محفوظ کرݨ کیتے گلوبل ہیلتھ سکیورٹی سمٹ پاکستان اچ تھیوݨ چنڳی ڳالھ اے، نگران وزیر صحت ڈاکٹر ندیم جان دا خطاب

اسلام آباد۔10جنوری (اے پی پی) نگران وفاقی وزیر برائے قومی صحت ڈاکٹر ندیم جان آکھیاجو صحت دے نظام دی بنیاداں کوں پکا کرݨ اساݙی ذمہ واری اے، اقوام عالم کوں وبائیں توں محفوظ کرݨ کیتے گلوبل ہیلتھ سکیورٹی سمٹ پاکستان اچ تھیوݨ چنڳی ڳالھ اے۔مندوبین تے مشتمل اے کٹھ اساݙی سانجھی کوششاں اچ آپسی تعاون دے جذبے دی مثال اے۔ بدھ کوں گلوبل ہیلتھ سکیورٹی سمٹ توں خطاب کریندیں ہوئیں وزیرسحت سمٹ دے شاندار انعقاد تے پوری قوم کوں مبارخ ݙتی۔ انہاں حکومت پاکستان اتے وزارت نیشنل ہیلتھ سروسز، ریگولیشن اینڈ کوآرڈینیشن ولوں گلوبل ہیلتھ سکیورٹی سمٹ اچ شرکت کرݨ آلیاں دا پرتپاک استقبال کریندیں ہوئیں اقوام عالم کوں وبائیں توں محفوظ ٻݨاوݨ اتے صحت دی حفاظت یقینی ٻݨاوݨ کیتے تاریخ اچ پہلی واری ݙو ݙینھ دی گلوبل ہیلتھ سکیورٹی سمٹ دا پاکستان اچ انعقاد کیتا ڳئے جئیں دا وزیراعظم پاکستان انوار الحق کاکڑ کیتے، سمٹ اچ ستر توں ودھ ملکاں توں صحت دے شعبے دے چوٹی دے ماہرین، وزرائے صحت، مندوبین اتے وفود شریک ہن۔ انہاں آکھیا جو صحت دے نظام دی بنیاداں کوں پکا کرݨ اساݙی ذمہ واری اے، اقوام عالم کوں وبائیں توں محفوظ کرݨ کیتے گلوبل ہیلتھ سکیورٹی سمٹ پاکستان اچ تھیوݨ چنڳی ڳالھ اے۔انہاں آکھیا جو میں عالمی کانفرنس دے سارے شرکا دی لگن مہارت اتے کوششاں دا دل توں شکریہ ادا کرینداں جیڑھے جو عالمی صحت دی حفاظت یقینی ٻݨاوݨ کیتے موجود ہن۔انہاں آکھیا جو گلوبل ہیلتھ سکیورٹی سمٹ سانجھی کوششاں نال عالمی صحت دے تحفظ دے منظر نامے تے انمٹ نشام چھڑیسی۔

مضمون کا ماخذ : لوٹیریا کا نتیجہ

متعلقہ مضامین