وفاقی وزیر اطلاعات و نشریات چوہدری فواد حسین دی وفاقی کابینہ دے اجلاس توں بعدمیڈیا کوں بریفنگ

APP87-23 ISLAMABAD: November 23 Federal Minister for Information and Broadcasting Chaudhry Fawad Hussain addressing a press conference. APP

اسلام آباد ۔ 23 نومبر (اے پی پی)وزیراعظم عمران خان دے زیر صدارت تھیونڑ آلے وفاقی کابینہ دے اجلاس سمگل شدہ فونز دا استعمال روکنڑ کیتے ڈی آئی آر بی ایس نظام رائج کرنڑ، ای سی سی دے فیصلیاں دے مطابق چینی برآمد اتے یوریا درآمد کرنڑ، عارف عثمانی کوں صدر نیشنل بینک اتے عبدالجبار شاہین کوں ایکسپورٹ پروموشن زون اتھارٹی دے سربراہ دا اضافی چارج ڈیونڑ دی منظوری ڈے ڈتی اے، وزیراعظم 28 نومبر کوں کرتار پور ویزا فری داخلی پوائنٹ کھولنڑ دی تقریب اچ ویسن۔ اے گالھ وفاقی وزیر اطلاعات و نشریات چوہدری فواد حسین دیو فاقی کابینہ دے اجلاس توں بعدمیڈیا کوں بریفنگ ڈیندے ڈسائی اے۔انہاں آکھیا جو اجلاس اچ کراچی اتے ہنگو حملے دے مذمت کریندے ہوئیں شہید افراد کتیے دعائے مغفرت کیتی گئی۔انہاںا ٓکھیے جو ینجھے واقعات نال پاکستان اتے چین دے تعلقات خراب نئیں کیتے ونج سگدے،کیون جو اے اج پہلے توں ودھ پکے اتے مثالی ہین،دشمن کوں خام خیالی اے جو او چین نال ساڈے تعلقات اچ کوئی دراڑ گھت سگسی۔ انہاں آکھیا جوایں ویلھے 82 ملین مالیت دے موبائل فون قانونی طریقے نال پاکستان آندے پین اتے ڈھائی ارب دے موبائل فون غیر قانونی طریقے نال آندن، پابندی دے باوجود پاکستان دیاں مارکیٹاں اچ سیکنڈ ہینڈ موبائل فون بھریے پین،کابینہ فیصلہ کیتے جو ڈی آئی آر بی ایس دے ذریعے 31 دسمبر 2018ءدے بعد سمگل شدہ موبائل فونز بند کرڈتے ویسن بھل ایندے توں پہلے گھدے گئے موبائل فونز تے اے پابندی کائنا ہوسی تاں جو مقامی سطح تے موبائل فون بنراونر آلیان کمپنیاں دی حوصلہ افزائی تھیوے۔انہاں کراچی حملے دے ناکامی تے سیکیورٹی فورسز کوں خراج تحسین پیش کیتا۔انہاں ا ٓکھیے جو کرتار پوری سرحد کھولنڑ دا فیصلہ سیاسی نئیں ہک انسانی مسئلہ اے،28 نومبر کو کرتار پور اچ بارڈر کھولنڑ دی تقریب تھیسی جیندے اچ وزیراعظم عمران خان وی ویسن،تقریب اچ شرکت کیتے بھارتی اتے انٹرنیشنل میڈیا کو ںویزے اچ نرمی ڈتی ویسی، امید اے جو پاکستان دے ایں امن عمل دا مثبت جواب ملسی۔فواد چوہدری آکھیا جو نیب پہلی واری غیر جانبدارانہ کم کریندا پئے، شہبازشریف کون اج کیویں یاد آگئے جو نیب دے تفتیشی کمرے پنجرے آلی کار ہوندن، شہبازشریف پریشان ناں تھیون،نیب غیر جانبدارراہسی، اللہ شہبازشریف کوں سحت ڈیوے، حالی تاں انہاں توں بہوں پیسہ کڈھاونڑے۔

مضمون کا ماخذ : لاٹری جیتنے کی ترکیبیں

متعلقہ مضامین