صدر مملکت ڈاکٹر عارف علوی دا فورٹریس سٹیڈیم لاہوراچ نیشنل ہارس اینڈ کیٹل شو دا افتتاح

لاہور۔10مارچ (اے پی پی):صدر مملکت ڈاکٹر عارف علوی خمیس دے ݙینھ فورٹریس سٹیڈیم لاہور اچ نیشنل ہارس اینڈ کیٹل شو دا افتتاح کرݙتا ۔ ایں موقع تے وزیراعلی پنجاب سردار عثمان بزدار،عسکری قیادت ، صوبائی وزرا میاں محمود الرشید اتے سردار حسنین بہادر دریشک تے ٻئے موجود ہن ۔اے ترائے ݙینھ وار میگا ایونٹ 12 مارچ تئیں جاری رہسی ، اے شو ساریں توں اہم سماجی و ثقافتی پروگرام اے اتے پنجاب کوں شروع توں ہی ایندی میزبانی دا واحد اعزاز حاصل رہیے۔ اے تقریب معاشرے دے مختلف طبقیں تے پاکستان دے سارے صوبیں سودھے آزاد جموں و کشمیر دے کڄھ حصیں نال تعلق رکھݨ آلے لوکاں دے درمیان قومی اتحاد، یکجہتی اتے ہم آہنگی دا شاندار اظہار اے۔چھی سال بعد منعقد تھیوݨ آلا ہارس اینڈ کیٹل شو اتے ایندی بحالی پنجاب حکومت دے زراعت، لائیو سٹاک، کھیݙاں ، صنعتاں، دستکاری اتے ثقافت وغیرہ کوں ودھارا ݙیوݨ سانگے تکھیے اقدامات اچ شامل اے ۔وزیراعلی پنجاب ، صدر مملکت ڈاکٹر عارف علوی کوں نیشنل ہارس اینڈ کیٹل شو دا سووینئر وی پیش کیتا۔بعد اچ کارکردگی ݙکھاوݨ آلیں کوں انعام وی ݙتے ڳئن ۔

مضمون کا ماخذ : números da sorte loteria

متعلقہ مضامین