بي اعتمادي رٿ آڻيندڙن لڪي رشوت جو پئسو استعمال ڪري ماڻهن کي خريد ڪرڻ جي ڪوشش ڪئي: چوڌري فواد حسين

اسلام آباد – 26 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته بي اعتمادي رٿ آڻيندڙن لڪي رشوت جو پئسو استعمال ڪري ماڻهن کي خريد ڪرڻ جي ڪوشش ڪئي، پاڪستان جي عوام سڀاڻي ان سازش کي رد ڪري ڇڏيندي، انشاءَ الله اڄ پاڪستان جي تاريخ جو سڀ کان وڏو جلسو ٿيندو جنهن ۾ 10 لک کان وڌيڪ ماڻهو عمران خان کي خراج تحسين پيش ڪندا جنهن ملڪي معيشت کي پنهنجي پيرن تي بيهاريو ۽ ملڪ کي هڪ آزاد پرڏيهي پاليسي ڏني، جلسا ڪرڻ سمورين پارٽين جو حق آهي، سمورن چورن کي چئلينج آهي ته اهي گڏجي جلسو ڪري ڏيکارين ته جيئن ماڻهو به جلسن جي ڀيٽ ڪري سگهن. اهڙن خيالن جو اظهار هن بني گالا ۾ صحافين سان ڳالهائيندي ڪيو. ان موقعي تي سنڌ جو گورنر عمران اسماعيل ۽ پي ٽي آءِ اڳواڻ عامر ڪياني پڻ موجود هئا. اطلاعات واري وفاقي وزير چيو ته لکين ماڻهن جو سمنڊ اسلام آباد طرف گامزن آهي، گلگت بلتستان مان 20 ڪلوميٽر ڊگهي ريلي اسلام آباد پهچي رهي آهي. هن چيو ته گلگت بلتستان جا ماڻهو ان کان اڳ پاڪستان جي سياست ۾ ايترا متحرڪ نه هئا جيترا هاڻي آهن. خيبرپختونخواهه، پنجاب، ڪراچي، بلوچستان سميت پورو ملڪ تحريڪ انصاف جي رڳن ۾ رنگجي ويو آهي. هن چيو ته سڀاڻي 10 لک کان وڌيڪ ماڻهو وزيراعظم عمران خان سان يڪجهتي جو اظهار ڪندا. هن چيو ته بي اعتمادي رٿ آڻيندڙن لڪي رشوت جو پئسو استعمال ڪري ماڻهن کي خريد ڪرڻ جي ڪوشش ڪئي، پاڪستان جي عوام اڄ جي جلسي ۾ ان سموري عمل کي رد ڪري ڇڏيندي. هن چيو ته ذوالفقار علي ڀٽو کانپوءِ اڄ پاڪستان جي پرڏيهي پاليسي عمران خان جي ڪري آزاد آهي، پاڪستاني معيشت جو ڦيٿو هلڻ شروع ٿيو آهي، پاڪستان جي عوام ملڪي ترقي جي خلاف سازش ڪندڙن جي سازش ناڪام بڻائيندي. هن چيو ته سمورا رستا ۽ قافلا پريڊ لين اسلام آباد طرف آهن، جلسي جا سمورا انتظام مڪمل آهن، ميڊيا کي ڪوريج جي سهولت ڏني پئي وڃي. اڄ کان سمورن ٽيليويزن ۽ اخبارن ۾ مقامي جلوسن جون خبرون اچڻ شروع ٿي ويون آهن. هن چيو ته عوام ڊسپلين قائم رکي، سپريم ڪورٽ ۽ هاءِ ڪورٽ جي گائيڊ لائين تي عمل ڪيو وڃي، ڪنهن به جڳهه تي رستا بند نه ڪيا وڃن، هڪ پرامن احتجاج جي ذريعي اسان پنهنجي ليڊر ۽ وزيراعظم عمران خان کي خراج تحسين پيش ڪنداسين، انشاءَ الله هي پاڪستان جي تاريخ جو سڀ کان وڏو ميڙ هوندو. هڪ سوال جي جواب ۾ هن چيو ته جلسا ڪرڻ سمورين پارٽين جو حق آهي، سمورن چورن کي چئلينج آهي ته اهي گڏجي جلسو ڪن ته جيئن ماڻهو به انهن جلسن جي ڀيٽ ڪري سگهن. هڪ ٻئي سوال تي هن چيو ته پي ٽي آءِ جي ٻن ميمبرن جو جواب اچي ويو آهي ته انهن پارٽي ضابطي جي خلاف ورزي ناهي ڪئي، هڪ ميمبر سان اسد عمر جي ميٽنگ ٿي رهي آهي، ان جو جواب به اچي ويندو، اميد آهي چار اسيمبلي ميمبرن جو جواب اڄ ئي اچي ويندو. هڪ ٻئي سوال تي هن چيو ته ايم ڪيو ايم سان ملاقات ٿي آهي، اڄ (ق) ليگ سان ٿي رهي آهي، رات جو ٻيهر اسد عمر، پرويز خٽڪ ۽ عمران اسماعيل جي ايم ڪيو ايم سان ملاقات ٿيندي. چوڌري فواد حسين هڪ سوال تي چيو ته فيڪ نيوز وڏي بدقسمتي آهي، شهريار آفريدي ۽ غلام سرور جي ڳالهه ميڊيا تي ٽوڙي مروڙي پيش ڪئي وئي.

مضمون کا ماخذ : پاور بال کے اعدادوشمار

متعلقہ مضامین