پچھلی حکومت آپݨے کیتے ہوئے معاہدیاں دی پاسداری نی کیتی، اساں ملک کوں ڈیفالٹ توں بچائے، وزیراعظم شہباز شریف دا کابینہ اجلاس توں خطاب

اسلام آباد۔28ستمبر (اے پی پی) وزیراعظم محمد شہبا ز شریف آکھیا جو پچھلی حکومت آپݨے کیتے ہوئے معاہدیاں دی پاسداری نی کیتی، اساں ملک کوں ڈیفالٹ توں بچائے۔ پی ٹی آئی دی حکومت عالمی معاہدے کرتے انہاں دی دھجیاں اݙائی جئیں نال ریاست پاکستان تے عالمی برادری دا اعتماد مجروع تھیے۔ پٹرولیم مصنوعات دے نرخ اچ ڳھٹکی دا اعلان کیتا پر بجٹ اچ سبسڈی کیتے رقم نی رکھی جئیں پاروں عوام کوں پٹرولیم دے نرخ اچ ودھارے دا بوجھ چاوݨا پیا۔ بدھ کوں وفاقی کابینہ دے اجلاس توں خطاب کریندیں ہوئین وزیراعظم ، وزیرخزانہ اسحاق ڈار کوں کابینہ دے اجلاس اچ خوش آمدید آکھیا۔ وزیراعظم آکھیا جو او آپݨی اتے کابینہ ولوں انہاں کوں وزارت خزانہ دا منصب سنبھالݨ تے مبارخ ݙیندن اتے انہاں دی کامیابی کیتے دعاگو ہن۔ وزیراعظم توقع کیتی جو مخلوط حکومت کوں انہاں دی بطور وزیرخزانہ شمولیت نال تقویت ملسی۔ وزیراعظم آئی ایم ایف نال ڈیل کامیابی نال چھیکڑ تئیں پجاوݨ تے مفتاح اسماعیل کوں شاباش ݙتی۔ وزیراعظم کابینہ کوں سمرقند اچ شنگھائی تعاون تنظیم دے اجلاس دے موقع تے چین، روس، ترکیہ اتے وسط ایشیائی ملکاں دی قیادت اتے رہنماواں نال تھیوݨ آلی مثبت اتے تعمیری ملاقاتاں اتے ڳالھ مہاڑ بارے ݙسیا اتے ݙسیا جو انہاں دی کنکٹیویٹی اتے گیس دی فرامی بارے ڳالھ مہاڑ تھئی اے، انہاں ݙو پاسہ ڳالھ مہاڑ اچ چھل دی صورتحال بارے وی عالمی رہنماواں کوں ݙسائے۔ وزیراعظم شنگھائی تعاون تنظیم اتے بعد اچ اقوام متحدہ دی جنرل اسمبلی دے اجلاس دے موقع تے بلاول بھٹو زرداری، شیری رحمن، مریم اورنگزیب سمیت وفاقی وزرا اتے دفتر خارجہ دے متعلقہ حکام دی بھرپورمعاونت اتے محنت تے انہاں دا شکریہ ادا کیتا۔

مضمون کا ماخذ : prêmios dupla sena

متعلقہ مضامین