نړيواله ورورولي او ملګري ملتونو دې مقبوضه كشمير كښې د هندي زور ظلم او زياتي خبر واخلي

اسلام آباد 27 اکتوبر (اے پی پی) خارجه وزير خواجه محمد آصف وئيلي دي چې پاكستان به د خپلواكۍ حق ترلاسه كولو له د كشميري اولس د منصانه هڅو اخلاقي ٬سياسي او سفارتي ملاتړ روان ساتي۔ نړيواله ورورولي او ملګري ملتونو دې مقبوضه كشمير كښې د هندي زور ظلم او زياتي خبر واخلي۔ كشميري اولس سره كړې لوظونه بايد وپاللې شي۔ د جمعې په ورځ د كشمير تورې ورځې په مهال خپل پېغام كښې خارجه وزير په نړيواله ورورولۍ او ملګرو ملتونو زور راوړو چې دوئ دې كشميري اولس سره كړې خپل لوظونه وپالي او په كشميري اولس د هندي زور ظلم او زياتي دې خبر واخلي۔ ده ووئيل د تېرو 69 كلونو په مهال قابض هندي ځواكونو د زرګونو په شمېر بې ګناه كشميريان ووژل ۔ د كشميري مېرمنو سپكاوې ئې كړې۔ د لكھونو په شمېر مېرمنې كونډې او كوچنيان يتيمان كړې شول۔ كشميري اولس سره د يو والي څرګندونه كولو سره خارجه وزير ووئيل پاكستان به د آزادۍ تر ترلاسه كېدو د كشميري اولس د خپلواكۍ حق لپاره د روانو هڅو اخلاقي ٬ سياسي او سفارتي ملاتړ روان ساتي۔ ده په نړيواله ورورولۍ او ملګرو ملتونو زور راوړو چې هغوي دې مقبوضه كشمير كښې هندي ځواكونه په بې ګناه كشميري اولس د زور ظلم او زياتي څخه منع كړي او د ملګرو ملتونو د قراردادونو په رڼا كښې دې د كشمير مسئله حل كړې شي د كوم چې دوي سره لوظ شوے

مضمون کا ماخذ : میان میجک وائلڈ فائر

متعلقہ مضامین