په مقبوضه كشمير كښې دې ظلم او تشدد په سمدستي توګه بندې كړے شي

اسلام آباد 27 اکتوبر (اے پي پي) د قومي اسمبلې د كشمير او ګلګت بلتستان چارو قائمه كمېټې چيئرمېن ملك ابرار احمد وئيلي دي چې په مقبوضه كشمير كښې دې ظلم او تشدد په سمدستي توګه بندې كړے شي٬ د كال 1947م نه تر اوسه هندي ځواكونو د لكونو په شمېر كشميريان شهيدان كړي دي٬ هندي حكومت په مقبوضه كشمير كښې خپل ځواكونه د كشميريانو قتل لپاره پرېښي دي٬ نړيواله ټولنه دې د ملګرو ملتونو د قرادادونو له مخې د كشمير مسئلې فوري حل ته پام وكړي۔ ده دا خبرې د جمعې په ورځ قومي خبري اژانس اے پي پي سره په يوه ځانګړې مركه كښې وكړې۔ ده وويئل چې د كشميريانو د خپلواكې حق د طاقت د لارې تر پښو نه شي لاندې كېدے٬ِ د كال 1989م څخه 10 زره كشميريان بې دركه ديِ 1500 مېرمنې د كونډو پشان په ژوند تېرولو مجبورې دي ځكه چې د دوي خاوندان په زور د سيمې نه شړل شوي دي۔ ده ووئيل چې په اوسني وخت كښې دا ممكنه نه ده چې د كشميريانو او فلسطينيانو په غوښتنو سترګې پټې كړې دي۔ ده ووئيل چې نړيوالې ټولنې ته به د كشمير اولس سره ودرېدل وي۔ ده ووئيل چې مقبوضه كشمير اولس په لويه پېمانه د بشري حقونو څخه سرغړونو سره مخ دے۔

مضمون کا ماخذ : سامرائی کی خوش قسمتی۔

متعلقہ مضامین