سارک اتے مقبوضہ جموں و کشمیر دے تناظر اچ بھارتی وزارت خارجہ دے ترجمان دے کوڑے دعوے اتے متنازعہ ریمارکس مسترد ،پاکستان بھارتی سازشاں دی بھرپور مخالفت کریندا رہسی ،ترجمان دفتر خارجہ

اسلام آباد۔7جنوری (اے پی پی):پاکستان سارک اتے مقبوضہ جموں و کشمیر دے تناظر اچ بھارتی وزارت خارجہ دے ترجمان دے کوڑے دعوے اتے متنازعہ ریمارکس کوں سختی نال مسترد کریندے ہوئیں آکھیے جو سارک عمل اچ بھارتی رکاوٹ ھک منی ڳئی حقیقت اے۔پاکستان بھارتی سازشاں دی بھرپور مخالفت اتے علاقائی امن و سلامتی کوں خطرے توں ݙوچار کرݨ آلے امن مخالف ایجنڈے کوں بے نقاب کریندا رہسی ۔ترجمان دفتر خارجہ عاصم افتخار احمد جمعہ کوں میڈیا دے سوالاں دا جواب ݙیندے ہوئیں آپݨے متعصبانہ رویں اتے چارٹر دے دفعات دی خلاف ورزیاں کریندے ہوئیں بھارت 2016 اچ پاکستان اچ تھیوݨ آلی 19ویں سارک سربراہی کانفرنس کوں روکݨ دا ذمے وار اے ۔ترجمان آکھیے وج بھارت دا جانبدارانہ رویہ علاقائی تعاون کیتے ھک قابل قدر پلیٹ فارم کوں تکھے غیر فعال کریندا پئے ۔ترجمان آکھیے جو پاکستان توقع رکھیندے جو بھارت اپݨے خود غرضانہ طرز عمل تے نظرثانی کریسی تے جنوبی ایشیا دے لوکاں دی ترقی اتے خوشھالی کیتے سارک عمل کوں اڳوں ودھاوݨ دے قابل بݨیسی ۔ انہاں آکھیے جے ایندے رستے اچ کھڑیاں مصنوعی رکاوٹاں ہٹائیاں ونڄن تاں پاکستان اڳلے سارک سربراہی اجلاس دی میزبانی کیتے تیار اے ۔

مضمون کا ماخذ : resultados loteria São Paulo

متعلقہ مضامین