اسلام آباد۔21جولائی (اے پی پی) وزیراعظم محمد شہباز شریف آکھیا جو کوئی وی مہذب معاشرہ آزادی اظہار دے ناں تے مقدس ہستیاں، علامتاں اتے اسمانی کتاباں دی بے حرمتی دی موکل نی ݙیندا۔ جمعے کوں اپݨے ٹویٹ اچ وزیراعظم آکھیا جو قرآن پاک، تورات اتے انجیل دی بے حرمتی دی موکل ݙیوݨ ہک مذموم، گھٹیا اتے حقیر ایجنڈے دا حصہ اے جئیں دا ہکو مقصد عالمی امن کوں خطریاں نال ݙوچار کرݨ اے۔ وزیراعظم آکھیا جو او او آئی سی اتے مہذب دنیا توں مطالبہ کریندوں جو او اڳوں آون اتے مقدس کتاب دی بے حرمتی سویں مکروہ عمل کوں روکݨ کیتے اقدامات کرن۔ وزیر اعظم آکھیا جو ایجھے رویاں کوں روکݨ دی لوڑھ اے جیڑھے مذہبی منافرت کوں ہوا ݙیندن۔