اسلام آباد/سکر– 26 – آگسٽ (اي پي پي) وزيراعظم شهباز شريف سنڌ جي ٻوڏ متاثر علائقن ۾ صورتحال جو جائزو وٺڻ لاءِ سکر پهچي ويو آهي. وزيراعظم آفيس جي ميڊيا ونگ پاران جاري بيان موجب وزيراعظم شهباز شريف سنڌ جي صوبن سکر، روهڙي، خيرپور، فيض گنج، ڪوٽڏيجي ۽ ٺري ميرواهه جي ٻوڏ متاثر علائقن جو فضائي دورو ڪرڻ ۽ متاثرين جي مدد ۽ بحالي جي ڪمن جو جائزو وٺڻ لاءِ سکر پهچي ويو آهي. سکر پهچڻ تي پرڏيهي وزير بلاول ڀٽو زرداري، پاڻي وسيلن واري وفاقي وزير سيد خورشيد شاهه ۽ سنڌ جي وڏي وزير سيد مراد علي شاهه بيگم نصرت ايئرپورٽ تي وزيراعظم جو استقبال ڪيو.